ସଇଁତଲା,୨୪/୨ : କିପ୍ ସ୍ମାଇଲିଙ୍ଗ ଚେରେଟବଲ ଟ୍ରଷ୍ଟ,କଟକ ପକ୍ଷରୁ ଖପୁରିଆ, ନୁଆପଡା ରେ ଥିବା ଉତ୍କଳ ବାଲାଶ୍ରମରେ ଅନୁଷ୍ଠିତ ତୃତୀୟ ବାଷିର୍କ ଉତ୍ସବ ପାଳନ ଅବସରରେ ବଲାଙ୍ଗୀର ର ଅଗ୍ରଣୀ ସ୍ବେଚ୍ଛାସେବୀ/ସାମାଜିକ ଅନୁଷ୍ଠାନ ବଲାଙ୍ଗୀର ୟୁଥ ଏକ୍ସନ କମିଟୀ କୁ ସାମାଜିକ କାର୍ଯ୍ୟ ପାଇଁ “ଓଡ଼ିଶା ଗୌରବ ସମ୍ମାନ -୨୦୨୦” ରେ ସମ୍ବର୍ଦ୍ଧିତ କରାଯାଇଥିଲା । ଏହି କାର୍ଯ୍ୟକ୍ରମରେ ମୁଖ୍ୟଅତିଥି ଭାବେ ଶ୍ରୀଯୁକ୍ତ ଶୁଭ୍ରାଂଶୁ ମିଶ୍ର, ଉପଜିଲ୍ଲାପାଳ କଟକ, ସମ୍ମାନୀତ ଅତିଥି ଭାବେ ଶ୍ରୀଯୁକ୍ତ ପ୍ରଦିପ କୁମାର ବେହେରା, ସଭାପତି, ଜାତୀୟ ମାନବାଧିକାର ଏସୋସିଏସନ ଯୋଗ ଦେଇଥିଲେ । ଏହି ସମ୍ବର୍ଦ୍ଧନା କମିଟିର ଯୁବକ ମାନଙ୍କୁ ଆଗାମୀ ଦିନରେ ସମାଜସେବା କାର୍ଯ୍ଯ କରିବା ପାଇଁ ଆହୁରି ଉର୍ଜା ଓ ପ୍ରେରଣା ଯୋଗାଇବ ବୋଲି କମିଟୀର ସଭାପତି ଶ୍ରୀ କାଲସାଏ ଆଶା ଓ ବିଶ୍ବାସ ପ୍ରକଟ କରିଛନ୍ତି ।ଏହି ସମ୍ବର୍ଦ୍ଧନା କାର୍ଯ୍ୟକ୍ରମରେ ୟୁଥ ଏକ୍ସନ କମିଟୀର ସଭାପତି ଶ୍ରୀ ବିନୋଦ କୁମାର କାଲସାଏ, ସନ୍ତୋଷ ପଟ୍ଟନାୟକ, ପିଙ୍କୁ ବନଛୋର, ଗୋବିନ୍ଦ ଶତପଥୀ ଓ ରବି ଖମାରୀ ପ୍ରମୁଖ ଉପସ୍ଥିତ ଥିଲେ ।