ବଲାଙ୍ଗିର,୨୭/୩ : ବର୍ତ୍ତମାନ ସାରା ବିଶ୍ୱରେ ଆତଙ୍କର ବାତାବରଣ ସୃଷ୍ଚି କରିଛି ମହାମାରୀ କରୋନା ଭୁତାଣୁ । ସାରା ଭାରତ ଲକଡାଉନ ହୋଇଛି । କରୋନା ମୁକାବିଲା ପାଇଁ ରାଜ୍ୟ ସରକାର ଅନେକ ପଦକ୍ଷେପ ଗ୍ରହଣ କରିଛନ୍ତି । ବଲାଙ୍ଗିର ପ୍ରଶାସନ ତରଫରୁ ମଧ୍ୟ ଅନେକ ପଦକ୍ଷେପ ନିଆଯାଉଥିବା ବେଳେ ଗତକାଲି ବିଳମ୍ବିତ ରାତିରେ ପୌରପାଳିକା ତରଫରୁ ପୌର ନିର୍ବାହୀ ଅଧିକାରୀଙ୍କ ନେତୃତ୍ୱରେ ଏକ ଅଭିନବ ତଥା ସ୍ୱାଗତଯୋଗ୍ୟ ପଦକ୍ଷେପ ନଜରକୁ ଆସିଛି ।

ପ୍ରଥମତଃ ସହରରେ ମସାର ପ୍ରାଦୁର୍ଭାବ ବହୁ ପରିମାଣରେ ଥିବାରୁ ଯଥା ସମ୍ଭବ ସହରର ଗଳି କନ୍ଦି ମାନଙ୍କୁ ଯାଇ ମଶା ମାରିବା ଧୂଆଁ, ଗାଡି ମାଧ୍ୟମରେ ବୁଲିଥିଲା । ଆଉ ଏକ ଅଭିନଵ ପ୍ରୟାସ ହେଲା ସହରର ଅନେକ ଜନ ଗହଳି ସ୍ଥାନ ମାନଙ୍କରେ ଅଗ୍ନି ନିର୍ବାପକ ଯାନ ମାଧ୍ୟମରେ “ବ୍ଲିଚିଂ ପାଉଡ଼ର” ମିଶା ପାଣି ନଳୀ ସାହଯ୍ୟରେ ସିଞ୍ଚା ହୋଇଥିଲା। ପୌରପାଳିକାର ଉକ୍ତ କାର୍ଯ୍ୟକୁ ବଲାଙ୍ଗରର ବିଭିନ୍ନ ମହଲରୁ ପ୍ରଶଂସା କରାଯାଇଛି ।