କଳାହାଣ୍ଡି,୨/୪ : କରୋନା ଭାଇରସ ସଂକ୍ରମଣକୁ ନେଇ ସାରା ରାଜ୍ୟରେ ସଚେତନତା ସୃଷ୍ଟ କରାଯାଇ ଏଥିରୁ କିପରି ଜନସାଧାରଣ ସୁରକ୍ଷିତ ରହିପାରିବେ ସେ ନେଇ ପ୍ରଚାର ପ୍ରସାର କରାଯାଉଥିବା ବେଳେ କଳାହାଣ୍ଡି ଜିଲ୍ଲା ମ.ରାମପୁର ଥାନା ଅଂଚଳରେ ଭିନ୍ନଏକ ପୋଷ୍ଟର ଲାଗିଥିବା ଦେଖିବାକୁ ମିଳିଛି । ମାଓବାଦୀ ମାନେ ମଧ୍ୟ କରୋନା ସଂକ୍ରମଣ ଆକ୍ରାନ୍ତ ହୋଇଥାଇପାରନ୍ତି । ତେଣୁ ତାଙ୍କ ଠାରୁ ଦୂରରେ ରହିବାପାଇଁ ସଚେତନ ନାଗରିକ ମଂଚ ପୋଷ୍ଟର ମାଧ୍ୟମରେ ଜଣେଇଛନ୍ତି । ମ.ରାମପୁର ଅଂଚଳରେ ମାଓବାଦୀ ମାନେ ଆତ୍ମଗୋପନ କରି ରହୁଥିବାବେଳେ ବର୍ତମାନ ସେହି ଅଂଚଳରେ ବସବାସ କରୁକରୁଥିବା ଆଦିବାସୀ ଜନଜାତି ସଂପ୍ରଦାୟ କିପରି ସୁରକ୍ଷିତ ରହିବେ ବୋଲି ସଚେତନ ନାଗରିକ ମଂଚ ପ୍ରଶ୍ନ କରିଛି । ମାଓ ସଂଗଠନରେ ବାହାର ରାଜ୍ୟର ମାଓବାଦୀ ମାନେ ମଧ୍ୟ ସାମିଲ ହୋଇଛନ୍ତି ତେବେ ବାହାର ରାଜ୍ୟରୁ ଆସିଥିବା ମାଓବାଦୀଙ୍କ କରୋନା ସଂକ୍ରମଣ ଭୂତାଣୁ ରହିଥିବା ବେଳେ ମାଓବାଦୀଙ୍କୁ ଗାଁ ଭିତରକୁ ନପଶିବା ପାଇଁ ପୋଷ୍ଟର ମାଧ୍ୟମରେ ବାରଣ କରିଛନ୍ତି । ସଚେତନ ନାଗରିକ ମଂଚ ତରଫରୁ ଏହିପୋଷ୍ଟର କିଏ ମାରିଛି ତାହା ଜଣାପଡ଼ିନାହିଁ ବୋଲି ସାଧାରଣରେ ଚର୍ଚ୍ଚାହେଉଛି ।