କଳାହାଣ୍ଡି,୧୩/୬: ଗ୍ରାମାଞ୍ଚଳର ଗରିବ ଲୋକ ମାନଙ୍କୁ ଆବାସ ଯୋଜନା ମାଧ୍ୟମରେ ପକ୍କା ଘର ଯୋଗାଇ ଦେଉଛନ୍ତି ସରକାର । ତେବେ କେତେକ କ୍ଷେତ୍ରରେ ବିଭାଗିୟ କର୍ମଚାରୀଙ୍କ ଉଦାସିନତା ଯୋଗୁଁ ହିତାଧିକାରୀ ହଇରାଣ ହରକତ ହେଉଥିବା ଦେଖାଯାଉଛି । ଏମିତି ଏକ ଅଭିଯୋଗ ଆସିଛି କର୍ଲାମୁଣ୍ଡା ବ୍ଲକ ଯୋରାଡବରା ପଞ୍ଚାୟତର କୁଶୁର୍ଲା ଗ୍ରାମରୁ । ଏହି ଗାଁର ହୃଷିକେଶ ବାଗ ନାମକ ଜଣେ ହିତାଧିକାରୀ ପ୍ରଧାନମନ୍ତ୍ରୀ ଆବାସ ଘର ଛାତ ପକାଇ ସାରିଥିଲେ ମଧ୍ୟ ତୃତୀୟ କିସ୍ତି ଟଙ୍କା ପାଇନଥିବା ପ୍ରକାଶ କରିଛନ୍ତି । ଗତ ମେ’ ମାସରୁ ବିଲ ହୋଇଥିଲେ ବି ଟଙ୍କା ପାଇ ନଥିବାରୁ ସେ ମାନସିକ ଚାପରେ ଅଛନ୍ତି । ତେଣୁ ଶିଘ୍ର ବିଲ ପାସ କରିଦେବାକୁ ସେ ନିବେଦନ କରିଛନ୍ତି । ଏଠାରେ ସୂଚନାଯୋଗ୍ୟ ଯେ, ଏହି ବ୍ଲକରେ ପ୍ରଧାନମନ୍ତ୍ରୀ ଆବାସ ଯୋଜନାର ବିଲ ତିଆରି କରିବାରେ ବ୍ୟାପକ ଅବ୍ୟବସ୍ଥା ହେଉ ଥିବା ଦେଖିବାକୁ ମିଳୁଛି । ନିରୀହ ଲୋକେ ଏହା ଦ୍ୱାରା ହଇରାଣ ହରକତ ହେଉଛନ୍ତି । ତେଣୁ ଏହାର ଉଚ୍ଚ ସ୍ତରୀୟ ତଦନ୍ତ ପାଇଁ ଦାବି ହେଉଛି ।