କଲମପୁର,୫/୮: କଳାହାଣ୍ଡି ଜିଲ୍ଲା କଲମପୁର ବ୍ଳକ କୋଟାଗାଁ ସଙ୍ଗରୋଧ କେନ୍ଦ୍ରରେ ଥିବା ଜଣେ ପ୍ରବାସୀ ଅନ୍ତେବାସୀଙ୍କ ଠାରେ ମଙ୍ଗଳବାର ଦିନ କରୋନା ପଜେଟିଭ ବାହାରିଥିବା ଜଣାପଡିଛି । ରିପୋର୍ଟ ଆସିବା ପରେ ତୁରନ୍ତ କଲମପୁର ପ୍ରଶାସନ ପକ୍ଷରୁ ବିଡ଼ିଓ ହେମ ସାଗର ଭୋଇ, ତହସିଲଦାର କରିଷ୍ମା ବେଶ୍ରା ସମେତ ଡାକ୍ତରୀ ଦଳ ଘଟଣା ସ୍ଥଳରେ ପହଞ୍ଚି ପରିସ୍ଥିତି ଅନୁଧ୍ୟାନ କରିବା ସହ ଜନ ସାଧାରଣ ଭୟଭୀତ ନ ହେବା ପାଇଁ ପରାମର୍ଶ ଦେଇଛନ୍ତି । ସଂପୃକ୍ତ ଯୁବକ ଗତ ୨୦ ତାରିଖ ଦିନ ହାଇଦ୍ରାବାଦରୁ ଆସି କୋଟାଗାଁ ସଙ୍ଗରୋଧ କେନ୍ଦ୍ରରେ ରହି ଥିବା ବେଳେ ତାଙ୍କ ଘର ଭାଟିଗାଁ ବୋଲି ଜଣାଯାଇଛି ।ଉକ୍ତ ସଙ୍ଗରୋଧ କେନ୍ଦ୍ରରେ ସମୁଦାୟ ୫ ଜଣ ପ୍ରବାସୀ ରହିଥଲେ ।ସମସ୍ତଙ୍କ ସ୍ୱାବ ସଂଗ୍ରହ କରି ପରୀକ୍ଷା ନିମନ୍ତେ ପଠାଯାଇଥିବା ବେଳେ ଜଣକର ପଜେଟିଭ ରିପୋର୍ଟ ଆସିଥିଲା । ସଂପୃକ୍ତ ଯୁବକ ସିଧାସଳଖ ଆସି ସଙ୍ଗରୋଧ କେନ୍ଦ୍ରରେ ରହି ଥିବାରୁ ଅନ୍ୟ ମାନଙ୍କ ସଂଷ୍ପର୍ଶରେ ଆସି ନ ଥିବା କାରଣରୁ ପ୍ରଶାସନ ଭୟଭୀତ ନହେବା ପାଇଁ କହିଛନ୍ତି ।