କାଶିପୁର,୧୩/୮: ରାୟଗଡା ଜିଲ୍ଲା କାଶିପୁର ବ୍ଲକ ସ୍ଥିତ ‘ଉତ୍କଳ ଆଲୁମିନା ବିସ୍ଥାପିତ କର୍ମଚାରୀ ସଂଘ’ ତରଫରୁ ୩ଖଣ୍ଡ ବିସ୍ଥାପିତ ଗ୍ରାମର କର୍ମଚାରୀ ମାନଙ୍କୁ ଭିଟାମିନ ଔଷଧ ବଣ୍ଟନ କରାଯାଇଛି ।
ଏଠାରେ ପ୍ରକାଶଯୋଗ୍ୟ ଯେ, ରାୟଗଡା ଜିଲ୍ଲାରେ କରୋନା ସଂକ୍ରମିତ ଙ୍କ ସଂଖ୍ୟା ବଢ଼ିବାରେ ଲାଗିଛି । ଜିଲ୍ଲା ପ୍ରଶାସନ ପକ୍ଷରୁ ଏହାକୁ ପ୍ରତିହତ କରିବା ପାଇଁ ବିଭିନ୍ନ ପଦକ୍ଷେପ ଗ୍ରହଣ କରାଯାଉଛି । ଜିଲ୍ଲାର କାଶିପୁର ବ୍ଲକରେ ମଧ୍ୟ କରୋନା ତା’ର କହର ଦେଖାଇ ଚାଲିଛି । ଏହି ପରିପ୍ରେକ୍ଷୀରେ ଉତ୍କଳ ଆଲୁମିନା ବିସ୍ଥାପିତ କର୍ମଚାରୀ ସଂଘର ସଭାପତି ଗୋବିନ୍ଦ ଚନ୍ଦ୍ର ନାଇକଙ୍କ ନେତୃତ୍ୱରେ ଉତ୍କଳ ଆଲୁମିନା ପ୍ରକଳ୍ପ ଠାରୁ ଭିଟାମିନ ଔଷଧ ଆଣି ବିସ୍ଥାପିତ ଗ୍ରାମର ସମସ୍ତ କର୍ମଚାରୀଙ୍କ ପରିବାରକୁ ଘର ବୁଲି ବୁଲି ଔଷଧ ପ୍ରଦାନ କରାଯାଇଥିଲା । ଯେଉଁ ମାନେ ବୁଝି ପରୁ ନଥିଲେ ସେମାନଙ୍କୁ ସଭାପତି ଶ୍ରୀ ନାଇକ ପ୍ରାଞ୍ଜଳ ଭାବେ ବୁଝାଇ ଦେଇଥିଲେ ।
ଏହି ସମୟରେ ସଂଘ ସଭାପତି ଶ୍ରୀ ନାଇକଙ୍କ ସହ ସଂଘ ସମ୍ପାଦକ ଆଲାରାମ ଭତ୍ରା, ସହ ସମ୍ପାଦକ ମୋତିଲାଲ ନାଇକ, ଉପସଭାପତି ଭଣ୍ଡାରି ମଝି, ଉମେଶ ମାଝୀ, ଅଭିରାମ ମାଝୀ, ସୁବାଷ ମାଝୀ, ଖଳିରାମ ନାଇକ, ଲୋକିନ୍ଦ୍ର, ଖଗପତି ଓ ସଂଘର ଅନ୍ୟ ସଦସ୍ୟ ମାନେ ସହଯୋଗ କରିଥିଲେ ।
ଏହି ଅବସରରେ ଉତ୍କଳ ଆଲୁମିନା ବିସ୍ଥାପିତ କର୍ମଚାରୀ ସଂଘ ସଭାପତି ଶ୍ରୀ ନାଇକ ବିସ୍ଥାପିତ ୩ ଗ୍ରାମ ସହ ଅଞ୍ଚଳ ଚାରି ପାର୍ଶ୍ଵକୁ ଔଷଧ ସିଂଚନ କରି ପରିଷ୍କାର କରିବାକୁ ପ୍ରକଳ୍ପକୁ ଅନୁରୋଧ କରିଥିଲେ ।
କାଶିପୁର ପ୍ରତିନିଧି ଆଲାରାମ ଭତ୍ରାଙ୍କ ରିପୋର୍ଟ OdiaBarta.in
Clickhere to get 24×7 News & Views alerts
https://facebook.com/odiabarta
