ବଲାଙ୍ଗିର : ପଶ୍ଚିମ ଓଡିଶା ଯାଦବ ବିକାଶ ପରିଷଦ ଅଧ୍ୟକ୍ଷ ତଥା ବିଜେଡି ରାଜ୍ୟ ସମ୍ପାଦକ ବଳରାମ ସିଂ ଯାଦବଙ୍କ ମା’ ମମତା ଦେବୀ ୯୦ ବର୍ଷ ବୟସରେ ଶେଷ ନିଶ୍ୱାସ ତ୍ୟାଗ କରିଛନ୍ତି। ସେଜଣେ ଧର୍ମପରାଣ ମହିଳା ହୋଇଥିବା ବେଳେ ସମାଜର ଦୁଃଖୀ ଦରିଦ୍ର ତଥା ଅବହେଳିତ ପାଇଁ ଅସାର ବାଡ଼ି ସାଜିଥିଲେ। ନିଜ ବାସଭବନରେ ତାଙ୍କର ଦେହାନ୍ତ ହୋଇଥିବାବେଳେ ଅଂଚଳରେ ଦୁଃଖର ଛାୟା ଖେଳିଯାଇଥିଲା। ମୃତ୍ୟୁ ଶଯ୍ୟା ନିକଟରେ ବଳରାମ ସିଂ ଯାଦବ ତଥା ନିଜ ଆତ୍ମୀୟ ଲୋକେ ଉପସ୍ଥିତ ହୋଇଥିଲେ। ଶ୍ରୀ ଯାଦବ ହିନ୍ଦୁ ଧର୍ମର ରୀତିନୀତି ଅନୁସାରେ ମୁଖାଗ୍ନି ଦେଇଥିବାବେଳେ ନିଜ ଆତ୍ମୀୟ ଲୋକେ ଶ୍ରୀ ମମତା ଦେବୀଙ୍କ ଆତ୍ମାର ସଦ୍ଗତି ନିମନ୍ତେ ପ୍ରଭୁ ଶ୍ରୀ କୃଷ୍ଣଙ୍କ ନିକଟରେ ପ୍ରାଥନା କରିଥିଲେ।