ରାୟଗଡ,୧୫/୮: ରାୟଗଡ ପୈାର ପରିଷଦ ପ୍ରାଙ୍ଗଣରେ ସାମାଜିକ ଦୂରତା ବଜାୟ ରଖି ମାସ୍କ ପରିଧାନ କରି ସୀମତି ସଂଖ୍ୟଙ୍କ ଅଧିକାରୀ ଓ କର୍ମଚାରୀଙ୍କୁ ନେଇ ନିରାଡମ୍ବର ଭାବେ ୭୪ତମ ସ୍ୱାଧୀନତା ଦିବସ ପାଳିତ ହୋଇଯାଇଛି । ରାୟଗଡ ଜିଲ୍ଳାପାଳ ତଥା ପୈାର ପରିଷଦର ପ୍ରଶାସକ ପ୍ରମୋଦ କୁମାର ବେହେରା କାର୍ଯ୍ୟାଳୟ ପ୍ରାଙ୍ଗଣରେ ଜାତୀୟ ପତାକା ଉତୋଳନ କରିଥିଲେ । ପୈାର ପରିଷଦର ଅଧିକାରୀ ଓ କର୍ମଚାରୀମାନେ ଜାତୀୟ ସଙ୍ଗୀତ ଗାନ କରିବା ପରେ ଜିଲ୍ଳାପାଳ ଶ୍ରୀ ବେହେରା ପୈାର ପରିଷଦର ସମସ୍ତ କର୍ମଚାରୀମାନଙ୍କୁ ଦେଶର ଗୈାରବ ବର୍ଣ୍ଣନା କରିବା ସହିତ ବର୍ତମାନ କରୋନା ଭଳି ବଡ ଶତ୍ରୁ ସହ ଲଢିବା ପାଇଁ ଆହୁରି ସଂଯମତା ଓ ଧୈର୍ଯ୍ୟ ଆବଶ୍ୟକ ବୋଲି ସମସ୍ତଙ୍କୁ ପ୍ରୋତ୍ସାହିତ କରିଥିଲେ । ଏହି ଦିବସରେ ରାୟଗଡ ପୈାର ପରିଷଦର ନିର୍ବାହୀ ଅଧିକାରୀ ସଚ୍ଚିଦାନନ୍ଦ ଶତପଥି ସହରରେ ଥିବା ବରପୁତ୍ରମାନଙ୍କ ପ୍ରତିମୂର୍ତିରେ ପୁଷ୍ପମାଲ୍ୟ ଅର୍ପଣ କରି ସେମାନଙ୍କ ତ୍ୟାଗ ଓ ପ୍ରାଣବଳି ଅବଦାନକୁ ମନେପକାଇ ଗଭୀର ଶ୍ରଦ୍ଧାଂଜଳି ପୂର୍ବକ ସମ୍ମାନ ଜଣାଇଥିଲେ ।