ନିର୍ଦ୍ଧିଷ୍ଟ ସ୍ଥାନରେ ଗୋଟିଏ ବର୍ଷରେ ଗଲାଣି ୨ଜୀବନ
ମ.ରାମପୁର:୧୭/୮: ସୋମବାର ସନ୍ଧ୍ୟାରେ ମ.ରାମପୁର-ରିଷିଡ଼ା ପୂର୍ତ୍ତବିଭାଗ ରାସ୍ତା ତୁଜୁଙ୍ଗ ତାରିଣୀ ମନ୍ଦିର ନିକଟରେ ଦୁଇଟି ବାଇକ ସାମ୍ନାସାମ୍ନୀ ଧକ୍କା ହେବା ଫଳରେ ଜଣେ ଗୁରୁତର ହେଇଥିବାବେଳେ ଅନ୍ୟ ଦୁଇଜଣ ଆହତ ହେଇଛନ୍ତି ।
ପ୍ରାପ୍ତ ସୂଚନା ମୁତାବକ ନୁନ୍ପୁର ଗ୍ରାମ ପଂଚାୟତର ଜାମବାହାଲି ଗ୍ରାମର ମଧୁବନ ରଣାଙ୍କ ପୁତ୍ର ରଞ୍ଜିତ ରଣା(୨୧) ନିଜ ବାଇକରେ କୌଣସି କାମରେ ମ.ରାମପୁର ଆସି ଫେରୁଥିବାବେଳେ ଓଡ଼ିଆମୁଣ୍ଡା ଗ୍ରାମର ମନ୍ଦିର ସାହୁଙ୍କ ପୁତ୍ର ଆକାଶ ସାହୁ ଓ ଦନାର ସାହୁଙ୍କ ପୁତ୍ର ନାରାୟଣ ସାହୁ ସହିତ ଫପ୍ସୀ ଛକ ନିକଟରେ ସାମ୍ନାସାମ୍ନୀ ଧକ୍କା ହେଇଥିବା ଜଣାଯାଇଛି ।
ଖବର ପାଇ ଘଟଣାସ୍ଥଳରେ ମ.ରାମପୁର ତହସିଲଦାର ସୟଦ ଇସାକ ମଦିନା ଓ ଥାନାଧିକାରୀ ଗୋବିନ୍ଦ ମାଝୀ ପହଂଚି ଗୁରୁତରଙ୍କୁ ପ୍ରଥମେ ମ.ରାମପୁର ଡ଼ାକ୍ତରଖାନାକୁ ଆଣିବା ପରେ ଗୁରୁତର ରଞ୍ଜିତ ଓ ଆକାଶଙ୍କୁ ଭବାନୀପାଟଣା ସ୍ଥାନାନ୍ତର କରିଥିବାବେଳେ ନାରାୟଣଙ୍କ ମ.ରାମପୁର ଡ଼ାକ୍ତରଖାନାରେ ଚିକିତ୍ସା କରାଯାଉଛି ।
ତେବେ ନିର୍ଦ୍ଧିଷ୍ଟ ଇଲାକାରେ ଗତ ଏକ ବର୍ଷ ମଧ୍ୟରେ ଦୁଇଜଣଙ୍କ ପ୍ରାଣହାନୀ ହେଇଥିବାବେଳେ ବିଭିନ୍ନ ସମୟରେ ସଡ଼କ ଦୁର୍ଘଟଣା ଘଟି ଅନେକେ ଆହତ ହେଇଛନ୍ତି । ତେଣୁ ଉକ୍ତ ଅଂଚଳରେ ଦୁର୍ଘଟଣାପ୍ରବଣ ଅଂଚଳର ସାଇନବୋର୍ଡ଼ ଲଗାଯିବାପାଇଁ ନୁନପୁର ସରପଂଚ ସୁବାସିନୀ ନାଏକ ଦାବୀ କରିଛନ୍ତି ।
କଳାହାଣ୍ଡିରୁ ହେମନ୍ତ ସାହୁଙ୍କ ରିପୋର୍ଟ OdiaBarta.in
Click here to get 24×7 News & Views alerts
https://facebook.com/odiabarta
