ଦର୍ ଦର୍ କରି ପାଏନ୍ ଗଲୁଛେ
ଝୁମରା ନାଇଁନ ରାତି
ଚଡ୍ ଚଡ୍ କରି ଚଡକୁଛେ ମେଘ
ଦୁଲକି ଯଉଛେ ଛାତି ।

Omkar Vasthu

ଛାଏନ୍ କେ ଦେଖଲେ କିଛି ନାଇନ
ଦଗ୍ ଦଗା କରି ଦିସବା ଜନ୍
ଦୁଖ ଦେଖୀ କରି ଜୀବନ ନାଇ ସହୁଛେ
କାନ୍ଦି ଯଉଛେ ମନ୍ ।

Near Ashish Medical Store, Bhawanipatna

କୁହି ଗଲାନ ପାଟି କୁଲସା
ଘରର୍ ନାଇନ ଗତି
ବର୍ଷିଲା ପାଏନ ବର୍ଷି ଯଉଛେ
ଲିଭି ଯାଇଛେ ବତି ।

Udyogi Nursery

କେତେ ବେଲେ ଭୁସଲି ଯିବା ବୋଲି
ସବକେ ଲାଗୁଛେ ଡର୍
ଓଲ୍ ଦିହେ ରାଏତ୍ ସରତା ରହି
ମୁନୁଷ୍ କେ ହେଲାନ ଜର୍ ।

ଘର ଭିତରେ ଛତା ଧରି
ମା ବସିଛେ କୁଣ ତରେ
ବୁଆ ବସିଛେ ବାଟ୍ ଦୁଆରେ
ଘର୍ ଭୁସଲିବା ଡରେ ।

ଘରର୍ ତଲୁ ଉପର୍ କେ ଦେଖଲେ ଡର୍ ଲାଗୁଛେ
କୁଣ କେ ଦେଖଲେ ମାଏଟ୍
ଓଲ ଛପ୍ ଛପ୍ ଧାନ୍ ଚଉଲ୍
ଖାଏବା କେ ନାଇନ ଖଏଦ୍ ।

ଯେନ୍ ହିସାବେ ପାଏନ୍ ବର୍ଷୁଛେ
ନାଲ ହେଲାନ ଫୁଲ୍
ଥୁପି ମସାରି ନି ମାଛ ଧରବା କେ
ଲୋକ୍ ହେଲେନ ଠୁଲ୍ ।

OdiaBarta.in

କବିତା: ବର୍ଷାଦିନର କଥାନୀ