ସଇଁନ୍ତଲା: ବଲାଙ୍ଗିର ଜିଲ୍ଲା ବଡ଼ମାଲ ଫାଣ୍ଡି ଅନ୍ତର୍ଗତ କୁଇକେଡା ପଞ୍ଚାୟତର ଟିମାରମୁଡା ପୋଖରୀ ନିକଟ ଏକ ଗଛରେ ଜଣେ ଯୁବକଙ୍କ ଝୁଲନ୍ତା ମୃତ ଦେହ ଉଦ୍ଧାର ହୋଇଛି। ସେ ବେକରେ ରସି ଲଗେଇ ଓହଳି ପଡିଥିବା ଦେଖାଯାଇଛି। ମୃତକ ରେଙ୍ଗାଲି ଗ୍ରାମର ଅମିତ ସାହୁ (୨୫)ବୋଲି ସ୍ଥାନୀୟ ଲୋକେ କହିଛନ୍ତି। ଯୁବକ ଜଣକ ଗତରାତିରୁ ଘରୁ ନିଖୋଜ ଥିଲାବେଳେ ଘରଲୋକେ ଖୋଜା ଖୋଜି କରିଥିଲେ କିନ୍ତୁ ପାଇନଥିଲେ।

Omkar Vasthu

ଆଜି ସକାଳୁ କିଛି ଲୋକ ପୋଖରୀକୁ ଗାଧୋଇ ଯିବାପାଇଁ ଗଲାବେଳେ ପୋଖରୀ ନିକଟରେ ଥିବା ଗଛ ଉପରେ ଏକ ବ୍ୟକ୍ତିର ଝୁଲନ୍ତା ଶବ ଦେଖିଥିଲେ। ପରେ ସ୍ଥାନୀୟ ଲୋକେ ମୃତ ବ୍ୟକ୍ତିର ପରିବାରକୁ ସୂଚନା ଦେବାସହ ପୋଲିସକୁ ଖବର କରିଥିଲେ। ବଡ଼ମାଲ ପୋଲିସ ଘଟଣା ସ୍ଥଳକୁ ପହଂଚି ଶବକୁ ଜବତ କରିବାସହ ଶବ ବ୍ୟବଚ୍ଛେଦ କରିବା ପାଇଁ ଟିଟିଲାଗଡ ଡାକ୍ତର ଖାନାକୁ ପଠାଇ‌ ଦେଇଛନ୍ତି।