କଳାହାଣ୍ଡି: ଗ୍ରାମ୍ୟ ଜୀବନର ସଂସ୍କୃତି ଓ ପରମ୍ପରା ଉପରେ ଅଧାରିତ କ୍ଷୁଦ୍ର ଚଳଚିତ୍ର ‘ଟାଙ୍ଗର’ ନଭେମ୍ବର ୨୬ ତାରିଖରେ ଶୁଭମୁକ୍ତି ହେବାକୁ ଯାଉଛି। ବର୍ତ୍ତମାନ ଏହି ଚଳଚ୍ଚିତ୍ରର ଟ୍ରେଲର ମୁକ୍ତିଲାଭ କରିସାରିଛି। ସାଂପ୍ରତିକ ସମୟରେ ମଣିଷ ଉଗ୍ର ଆଧୁନିକ ସଭ୍ୟତାର ମୋହରେ ପଡି ଭୁଲିଯାଉଛି ନିଜ ମାଟି, ସଂସ୍କୃତି ଓ ପରମ୍ପରାକୁ। ଅତ୍ୟାଧୁନିକ ମଣିଷକୁ ପୁଣିଥରେ ମାଟିମଗ୍ନ କରିବା ଉଦ୍ଦେଶ୍ୟରେ ଆଞ୍ଚଳିକ ଭାଷାରେ ଏହି ଚଳଚ୍ଚିତ୍ର ନିର୍ମାଣ କରାଯାଇଥିବା ପ୍ରଯୋଜନା ସଂସ୍ଥା କହିଛି । ଏହାର ପ୍ରଯୋଜନା ପଣ୍ଡିତ ଅଜିତ କୁମାର ଦାଶ କରିଥିବା ବେଳେ କାହାଣୀ, ସଂଳାପ ଓ ନିର୍ଦ୍ଦେଶାନା ଦେଇଛନ୍ତି ଜୀବନ ବାଦୀ କବି ପ୍ରଶାନ୍ତ କୁମାର ଦାଶ। ଯୁବ କଣ୍ଠଶିଳ୍ପୀ ଜଗମୋହନ ସାହୁ ସଂଗୀତରେ ଥିବାବେଳେ ଭାଗିରଥି ବାରିକ ଓ ଦିପକ କୁମାର ଦାଶ ପ୍ରଡକ୍ସନ ଡିଜାଇନର ଅଛନ୍ତି।