ଓଡ଼ିଆ ବାର୍ତ୍ତା/ ପାରଳାଖେମୁଣ୍ଡି: ଗଜପତି ଜିଲ୍ଲା ବେତାଗୁଡା ସ୍ଥିତ ନବୋଦୟ ବିଦ୍ୟାଳୟ ଠାରେ ଆଜି ଏକ ସାମ୍ବାଦିକ ସମ୍ମିଳନୀ ଆୟୋଜିତ ହୋଇଯାଇଛି । ବିଦ୍ୟାଳୟର ଅଧ୍ୟକ୍ଷ ପ୍ରଦୀପ କୁମାର ପଣ୍ଡାଙ୍କ ଦ୍ଵାରା “ପରୀକ୍ଷା ପେ ଚର୍ଚ୍ଚା ୨୦୨୨” ସମ୍ପର୍କରେ ବିଭିନ୍ନ କାର୍ଯ୍ୟକ୍ରମ ଆୟୋଜନ କରାଯିବାର ବିବରଣୀ ପ୍ରଦାନ କରାଯାଇଥିଲା । ଆସନ୍ତା ୧ ଅପ୍ରେଲ ୧୧ଟା ସମୟରେ ମାନ୍ୟବର ପ୍ରଧାନମନ୍ତ୍ରୀଙ୍କ ଦ୍ୱାରା “ପରୀକ୍ଷା ପେ ଚର୍ଚ୍ଚା ୨୦୨୨” କାର୍ଯ୍ୟକ୍ରମକୁ ଉତ୍ସାହ ଉଦ୍ଦୀପନା ସହିତ ଆୟୋଜିତ କରାଯିବ । ଏଥିରେ ବିଦ୍ୟାଳୟର ସମସ୍ତ ଛାତ୍ରଛାତ୍ରୀ ଅଧ୍ୟାପକ, ଅଧ୍ୟାପିକା ଏବଂ ସମସ୍ତ କର୍ମଚାରୀ ସମ୍ମିଳିତ ହେବେ । ଏହାଦ୍ବାରା ଛାତ୍ରଛାତ୍ରୀ ଓ ଅଭିଭାବକଙ୍କୁ ପରୀକ୍ଷା ସମ୍ମିଳିତ ଚାପ, ବିଭିନ୍ନ ସମସ୍ୟା ଏବଂ ଏହାର ପ୍ରତିକାର ସମ୍ପର୍କରେ ବିସ୍ତୃତ ଆଲୋକପାତ କରାଯିବ ବୋଲି ସାମ୍ବାଦିକ ସମ୍ମିଳନୀରେ ସୂଚନା ଦିଆଯାଇଛି ।
