ଓଡ଼ିଆ ବାର୍ତ୍ତା/ କେସିଙ୍ଗା (ମଧୁସୂଦନ ଠାକୁର): କେସିଙ୍ଗା ଏନ୍ଏସିର ସଦଭାବନା ଗୃହଠାରେ ମହିଳା ସ୍ବୟଂ ସହାୟକ ଗୋଷ୍ଠୀ ଦ୍ବାରା ପ୍ରସ୍ତୁତ ମୋ ଖତ କାର୍ଯ୍ୟକ୍ରମକୁ ଉଦଘାଟନ କରିଛନ୍ତି ଓଡିଶା ସରକାରଙ୍କ ମନ୍ତ୍ରୀ କ୍ୟାପଟେନ ଦିବ୍ୟ ଶଙ୍କର ମିଶ୍ର । ଏହି ଅବସରରେ କେସିଙ୍ଗା ସହରର ପାନୀୟଜଳ, ରାସ୍ତା ଘାଟ ନିର୍ମାଣ, ଆଲୋକିକରଣ, ଭୂମି ହୀନ ମାନଙ୍କୁ ପଟ୍ଟା ପ୍ରଦାନ ଆଦି ବିଷୟରେ ସେ ଆଲୋଚନା କରିଥିଲେ । ମନ୍ତ୍ରୀ କ୍ୟାପଟେନ ମିଶ୍ରଙ୍କୁ ଏନଏସି ଅଧ୍ୟକ୍ଷ ନୃପରାଜ ଯାଦବ ଓ ନିର୍ବାହୀ ଅଧିକାରିଣୀ କିରଣ ବେହେରା ସ୍ୱାଗତ ସମ୍ବର୍ଦ୍ଧନା ପ୍ରଦାନ କରିଥିଲେ । ଏହି କାର୍ଯ୍ୟକ୍ରମରେ କଳାହାଣ୍ଡି ଜିଲ୍ଲା ପରିଷଦ ଅଧ୍ୟକ୍ଷ ପୁଷ୍ପେନ୍ଦ୍ର ସିଂହଦେଓ, ପୂର୍ବତନ ବିଧାୟକ ଦୁଷ୍ମନ୍ତ ନାଏକ ଓ ଅନାମ ନାଏକ, ପୂର୍ବତନ ଅଧକ୍ଷ୍ୟା ଲଳିତା ନାଏକ, ଟାଉନ ସଭାପତି ରମେଶ ପଟ୍ଟନାୟକ, ଶିଲୁ ପରିଡା, କେସିଙ୍ଗା ଏନଏସି ଉପାଧ୍ୟକ୍ଷା ସରସ୍ବତୀ ସାହା ପ୍ରମୁଖ ଉପସ୍ଥିତ ଥିଲେ । ଏହି କାର୍ଯ୍ୟକ୍ରମ ଶେଷରେ କେସିଙ୍ଗା ବ୍ଲକ କାର୍ଯ୍ୟାଳୟ ପରିଦର୍ଶନ କରିଥିଲେ ମନ୍ତ୍ରୀ କ୍ୟାପଟେନ ମିଶ୍ର । ବିଡ଼ିଓ ପ୍ରଫୁଲ୍ଲ କୁମାର ଅଦୁ ଓ ବ୍ଲକ ଅଧ୍ୟକ୍ଷ ଚନ୍ଦନ ସେନାପତିଙ୍କ ସହିତ ସେ ବିଭିନ୍ନ ବିଷୟରେ ଆଲୋଚନା କରିଥିବା ଜଣାପଡିଛି ।
