କେମିତି ଚାଲିବି ଜୀବନ ରାସ୍ତାରେ
ଦେଖେଇ ଦିଅ ମାଁ ପଥ
କେମିତି ସହିବି ଦୁଃଖ କଷ୍ଟ ବ୍ୟଥା
ଦିଅ ମାଁ ଟିକେ ଆଶିଷ ।
କେମିତି କରିବି ବିପଦର ସାମ୍ନା
ସାହସ ଟିକିଏ ଦିଅ
ଧୈର୍ଯ୍ୟ ବଳ ଶକ୍ତି ଦିଅ ମାଁ ଶରୀରେ
ଯଦି ଭାବ ତୁମ ପୁଅ ।
ଅଶାନ୍ତିର ଝଡ କରୁଛି ଦୁର୍ବଳ
କେମିତି ପାଇବି ଶାନ୍ତି
ଦୀପଶିଖା ହେଇ ଆଲୋକିତ କର
ପାହୁ ମୋ ଅନ୍ଧାର ରାତି ।
ତୁମରି ଶରଣେ ରଖିଲେ ରଖିବ
ଦୟା ଥିଲେ ମୋ ପ୍ରତି
ତୁମରି ସେବାରେ କାଟିବି ଜୀବନ
କରୁଥିବି ସଦା ଭକ୍ତି ।
ଦିଲ୍ଲିପ କୁମାର ସରାପ
କୁର୍ଲୁବାହାଲ, ଗାଇସିଲାଟ, ବରଗଡ଼
ମୋ- ୭୯୮୭୮୧୦୧୩୬
ହ୍ଵାଟ୍ସଆପରେ ଲେଟେଷ୍ଟ ନ୍ୟୁଜ୍ ଅପଡେଟ୍ ପାଇବା ପାଇଁ ତଳେ କ୍ଲିକ୍ କରନ୍ତୁ👇
