ଓଡ଼ିଆ ବାର୍ତ୍ତା/ ଶ୍ରୀନଗର: ଶ୍ରୀନଗରର ଅନେକ ସ୍ଥାନରେ ସେନା ଆତଙ୍କବାଦୀଙ୍କ ବିରୋଧରେ ସର୍ଚ୍ଚ ଅପରେସନ କରୁଛି। ସେପଟେ କେନ୍ଦ୍ର ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ ଜମ୍ମୁର ରଜୌରୀରେ ପହଞ୍ଚି ଗତକାଲି ସହିଦ ହୋଇଥିବା ପାଞ୍ଚଜଣ ବୀର ଯବାନଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରିଛନ୍ତି। ଏହାପୂର୍ବରୁ ଉପ ରାଜ୍ୟପାଳ ମନୋଜ ସିହ୍ନା ସହିଦ ସହିଦଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରିଥିଲେ। ସେନା ମୁଖ୍ୟ ଜେନେରାଲ ମନୋଜ ପାଣ୍ଡେ ମଧ୍ୟ ଜମ୍ମୁରେ ଉପସ୍ଥିତ ଅଛନ୍ତି। ରଜୈରୀରେ ଆହତ ଯବାନମାନେ ବର୍ତ୍ତମାନ ଡାକ୍ତରଖାନାରେ ଚିକିତ୍ସିତ ହେଉଛନ୍ତି। ରାଜନାଥ ସିଂ ଆହତ ଯବାନଙ୍କୁ ମଧ୍ୟ ଭେଟିଛନ୍ତି। ରାଜୈରୀରେ ରାଜନାଥ ସିଂ ଯବାନଙ୍କ ସହ ଆଲୋଚନା କରି କହିଥିଲେ ଯେ ଆତ୍ମବିଶ୍ବାସକୁ ଉଚ୍ଚା ରଖିବା ଆବଶ୍ୟକ, ଆମେ ସୁନିଶ୍ଚିତ ଭାବରେ ସଫଳତା ପାଇବ। ବାରମୁଲ୍ଲା ଏବଂ ରଜୌରୀରେ ଜଣେ ଲେଖାଏଁ ମୋଟ୍ ଦୁଇ ଜଣ ଆତଙ୍କବାଦୀ ନିହତ ହୋଇଛନ୍ତି। ବର୍ତ୍ତମାନ ଆତଙ୍କବାଦୀଙ୍କୁ ଚିହ୍ନଟ କରାଯାଉଛି। ୪୮ ଘଣ୍ଟା ମଧ୍ୟରେ ବାରମୁଲ୍ଲାରେ ଆତଙ୍କବାଦୀଙ୍କ ସହିତ ଏହା ହେଉଛି ଦ୍ୱିତୀୟ ମୁକାବିଲା। ଗୁରୁବାର ଦିନ କ୍ରେରି ଅଞ୍ଚଳରେ ଦୁଇ ଆତଙ୍କବାଦୀ ନିହତ ହୋଇଛନ୍ତି। ସେନା ସନ୍ଦେହ କରୁଛି ଯେ ଅଧିକ ଆତଙ୍କବାଦୀ ଏହି ଅଞ୍ଚଳରେ ଲୁଚି ରହିଥିବେ। ଏହି କାରଣରୁ ସର୍ଚ୍ଚ ଅପରେସନ୍ ଜାରି ରହିଛି। ନିହତ ଆତଙ୍କବାଦୀଙ୍କଠାରୁ ସେନା ଅସ୍ତ୍ରଶସ୍ତ୍ର, ଗୁଳିଗୋଳା ଏବଂ ଅନେକ ମାଗାଜିନ୍ ଉଦ୍ଧାର ହୋଇଛି। ଶୁକ୍ରବାର ଜମ୍ମୁ କଶ୍ମୀରର ରଜୌରୀ ଅଞ୍ଚଳରେ ସୁରକ୍ଷା ବାହିନୀ ଏବଂ ଆତଙ୍କବାଦୀଙ୍କ ମଧ୍ୟରେ ଏନକାଉଣ୍ଟର ହୋଇଥିଲା। ଏହି ସମୟରେ ୫ ସେନା ସହିଦ ହୋଇଥିଲେ। ଏବେ ହସ୍ପିଟାଲରେ ଆହତ ଯବାନଙ୍କ ଚିକିତ୍ସା ଚାଲିଛି। ସୁରକ୍ଷା ଦୃଷ୍ଟିରୁ ଜିଲ୍ଲାରେ ଇଣ୍ଟରନେଟ୍ ସେବା ବନ୍ଦ ରହିଛି। ସହିଦ ଯବାନଙ୍କ ମଧ୍ୟରୁ ଦୁଇଜଣ ହିମାଚଳ ପ୍ରଦେଶର, ଜଣେ ଉତ୍ତରପ୍ରଦେଶ ଏବଂ ଜାମ୍ମୁ କାଶ୍ମୀର ଏବଂ ପଶ୍ଚିମବଙ୍ଗର। ରଜୈରୀ ସେକ୍ଟରରେ ଜଙ୍ଗଲରେ ଆତଙ୍କବାଦୀଙ୍କ ଲୁଚି ରହିଥିବା ନିର୍ଦ୍ଦିଷ୍ଟ ସୂଚନା ପରେ ମେ ୩ ରୁ ସେନା ଦ୍ୱାରା ମିଳିତ ଅପରେସନ ଚାଲିଛି। ଏହି କ୍ରମରେ ମେ’ ୫ ତାରିଖ ସକାଳେ ଏକ ଟିମ୍ ସର୍ଚ୍ଚ ଅପରେସନ୍ ପାଇଁ ଯାଇଥିଲେ। ଏହି ସମୟରେ ଗୁମ୍ଫାରେ ଲୁଚି ରହିଥିବା ଆତଙ୍କବାଦୀମାନେ ବୋମା ସାହାଯ୍ୟରେ ଆକ୍ରମଣ କରିଥିଲେ।
