ଓଡ଼ିଆ ବାର୍ତ୍ତା/ ରାୟଗଡା (ଶିବ ନାରାୟଣ ଗୈାଡ): ରାୟଗଡା ସ୍ଥିତ ସେକ୍ରେଡ଼ ହାର୍ଟ ବିଦ୍ୟାଳୟ ଆଜି ଦ୍ଵିତୀୟ ଥର ପାଇଁ କଟକ କେମ୍ବ୍ରିଜ ବିଦ୍ୟାଳୟ ରେ ଆୟୋଜିତ ରାଜ୍ୟ ସ୍ତରୀୟ ଆଇସିଏସଇ ବିଦ୍ୟାଳୟ ମଧ୍ୟରେ ହୋଇଥିବା ବାସ୍କେଟ ବଲ ପ୍ରତିଯୋଗିତାରେ ଚମ୍ପିୟାନ ହୋଇ ଫେରିଛି । କୋଚ ଆପୟାଙ୍କ ତତ୍ୱବଧାନରେ ୧୩ ଜଣିଆ ଟିମ ସର୍ଵ ପ୍ରଥମ ଲିଗ ମ୍ୟାଚରେ ବ୍ରହ୍ମପୁର ବିଦ୍ୟାଳୟକୁ ୧୦-୪୫ ଗୋଲରେ ପରାସ୍ତ କରି ନିଜର ବିଜୟ ଧାରା ଆରମ୍ଭ କରିଥିଲା | ତାପରେ ଦ୍ଵିତୀୟ ଲିଗ ମ୍ୟାଚରେ ରାଉରକେଲା ବିଦ୍ୟାଳୟକୁ ୧୪-୨୯ ଗୋଲରେ ପରାସ୍ତ କରିଥିଲା ଏବଂ ତୃତୀୟ ଲିଗ ମ୍ୟାଚରେ କଟକ ବିଦ୍ୟାଳୟ କୁ ୬-୩୦ ଗୋଲରେ ପରାସ୍ତ କରି ସେମିଫାଇନାଲରେ ପ୍ରବେଶ କରିଥିଲେ । ଯେଉଁଠି ଛାତ୍ରମାନେ ଭୁବନେଶ୍ୱର ବିଦ୍ୟାଳୟକୁ ମଧ୍ୟ ୬-୩୪ ଗୋଲରେ ପରାସ୍ତ କରି ଫାଇନାଲରେ ବାରିପଦା ସ୍କୁଲ ବିରୋଧରେ ଖେଳି ୧୦-୫୦ ଗୋଲ କରି ଚମ୍ପିୟାନ ହୋଇଥିଲେ। ବିଦ୍ୟାଳୟ ଛାତ୍ର ମାନଙ୍କ ଏହି ସଫଳତା ପାଇଁ ବିଦ୍ୟାଳୟର ଅଧ୍ଯକ୍ଷ ତଥା ଶିକ୍ଷକ ଶିକ୍ଷୟତ୍ରୀ ଭୁୟସୀ ପ୍ରଶଂସା କରିବା ସହ ସଫଳତା ପାଇଁ ଦୃଢ଼ ମନୋବଳ ଓ ନିଜ ନିଜ ଭିତରେ ସମନ୍ୱୟ ରଖି ଖେଳିଥିବା ଯୋଗୁଁ ଏହି ସଫଳତା ମିଳିଛି ବୋଲି ମତ ଦେଇଥିଲେ।
