ଓଡ଼ିଆ ବାର୍ତ୍ତା/ ଜୟପାଟଣା (ଧନେଶ୍ଵର ପୁଞ୍ଜି): ଜୟପାଟଣା ଗାଁସାଥି ମିଳିତ କ୍ରିୟାନୁଷ୍ଠାନ କମିଟି ତରଫରୁ ତିନି ଦଫା ଦାବି ନେଇ ଗୋଷ୍ଠୀ ଉନ୍ନୟନ ଅଧିକାରୀଙ୍କୁ ଦାବି ପତ୍ର ପ୍ରଦାନ କରାଯାଇଛି। ଓଡିଶା ସରକାରଙ୍କ ପଞ୍ଚାୟତିରାଜ ଓ ପାନୀୟ ଜଳ ବିଭାଗର ଚିଠି ସଂଖ୍ୟା ୨୧୬୨୦, ୨୧୬୨୧, କୁ କାର୍ଯ୍ୟକାରୀ କରି ଜିଆରଏସ ଖାଲିଥିବା ସ୍ଥାନରେ ଗାଁ ସାଥି ମାନଙ୍କୁ ଜିଓ ଟେଗ ଅନମତି ଏବଂ ସମସ୍ତ ଗାଁ ସାଥି ମାନଙ୍କ ର ବକେୟା ପାଉଣା ପ୍ରଦାନ ନେଇ ଦାବି ଜଣାଇଥିଲେ। ଆୟୋଜିତ କାର୍ଯ୍ୟକ୍ରମରେ ବ୍ଳକ କ୍ରିୟାନୁଷ୍ଠାନ କମିଟି ସଭାପତି ଖଗପତି ନାଏକ, ଜିଲ୍ଲା ଗାଁ ସାଥି ସଂଘ ମିଳିତ କ୍ରିୟାନୁଷ୍ଠାନ କମିଟିର ସମ୍ପାଦକ ତରୁଣ କୁମାର ନାଏକ, ଏବଂ ସମସ୍ତ ଗାଁ ସାଥି ଯୋଗଦେଇ ଦାବିପତ୍ର ପ୍ରଦାନ କରିଥିଲେ।
