ଓଡ଼ିଆ ବାର୍ତ୍ତା/ ସୁନାବେଡ଼ା: ଜୁହାର ପରିବାର ସୁନାବେଡ଼ା ପକ୍ଷରୁ ବରିଷ୍ଠ ସଦସ୍ୟ ସରୋଜ କୁମାର ରାଜଗୁରୁଙ୍କୁ ବିଦାୟ କାଳୀନ ସମ୍ବର୍ଦ୍ଧନା ଜ୍ଞାପନ କରାଯାଇଛି। ସୁନାବେଡ଼ା ସହରର ୟୁ ଜୋନ ସ୍ଥିତ ହନୁମାନ ମନ୍ଦିର ଠାରେ ଏନେଇ ଆୟୋଜିତ କାର୍ଯ୍ୟକ୍ରମର ଅଧ୍ୟକ୍ଷତା କରିଥିଲେ ଜୁହାର ପରିବାରର ସଭାପତି ନୀତିନ ଚୌଧୁରୀ। ସାଧାରଣ ସମ୍ପାଦକ ଈଶ୍ୱର ଚନ୍ଦନ ସ୍ବାଗତ ଅଭିଭାଷଣ ପ୍ରଦାନ କରିଥିବାବେଳେ କାର୍ଯ୍ୟକାରୀ ସଭାପତି ଦୀନେଶ ମହାପାତ୍ର ହାଲରେ ଥିବାବେଳେ ସରୋଜ ରାଜଗୁରୁ କିପରି ନିଷ୍ଠାବାନ ହୋଇ କାର୍ଯ୍ୟ କରୁଥିଲେ ସେନେଇ ଆଲୋକପାତ କରିଥିଲେ। ସଭାରେ ବରିଷ୍ଠ ସଦସ୍ୟ ନରେଶ ରଣା, ସୁମନ୍ତ ବେହେରା, ରାମଚନ୍ଦ୍ର ସାହୁ ପ୍ରମୁଖ ଶ୍ରୀ ରାଜଗୁରୁଙ୍କ ଭୂୟସୀ ପ୍ରଶଂସା କରିଥିଲେ। ଏହି ସଭାରେ ଜୁହାର ପରିବାରର ୬୦ ରୁ ଉର୍ଦ୍ଧ୍ବ ସଦସ୍ୟ ସାମିଲ ହୋଇଥିଲେ। ଶେଷରେ ଧନ୍ୟବାଦ ଅର୍ପଣ କରିଥିଲେ ଦିନେଶ ମହାପାତ୍ର।
