ଓଡ଼ିଆ ବାର୍ତ୍ତା/ ଭୁବନେଶ୍ବର: ଧର୍ମଗଡ଼ ବିଧାୟକ ସୁଧୀର ରଞ୍ଜନ ପଟ୍ଟଜୋଶୀ ଏବଂ ବିଷମକଟକ ବିଧାୟକ ନୀଳମାଧବ ହିକକା ଲାଞ୍ଜିଗଡ଼ରେ ବକ୍ସାଇଟ୍ ଖଣି ଖୋଲିବା ପାଇଁ କଳାହାଣ୍ଡିର ସ୍ଥାନୀୟ ଲୋକଙ୍କ ଦୀର୍ଘ ଦିନର ଦାବିକୁ ରାଜ୍ୟ ନେତୃତ୍ବଙ୍କ ନିକଟରେ ପହଂଚାଇବାକୁ ଆଜି ପ୍ରତିଶ୍ରୁତି ଦେଇଛନ୍ତି । ଗତକାଲି, ଏହି ଅଂଚଳରେ ବକ୍ସାଇଟ୍ ଖଣି ଖୋଲିବା ପାଇଁ ଦାବି କରୁଥିବା ସ୍ବରରେ ଯୋଗଦେଇ ଲାଞ୍ଜିଗଡ଼ ବିଧାୟକ ପ୍ରଦୀପ କୁମାର ଦିଶାରୀ କହିଥିଲେ ମୁଖ୍ୟମନ୍ତ୍ରୀଙ୍କ ସହ ବ୍ୟକ୍ତିଗତ ଭାବରେ ଏହି ପ୍ରସଙ୍ଗ ଉଠାଇବେ ।
ଲାଞ୍ଜିଗଡ଼ ଆଂଚଳିକ ବିକାଶ ପରିଷଦ ବ୍ୟାନର ତଳେ ପ୍ରାୟ ୫୦୦୦ ଗ୍ରାମବାସୀ, ଯୁବକ, ମହିଳା ଏବଂ ନେତା ସ୍ଥାନୀୟ ବକ୍ସାଇଟ୍ ଖଣି ତୁରନ୍ତ ଖୋଲିବା ପାଇଁ ଦାବି କରି ଲାଞ୍ଜିଗଡ଼ରେ ଏକ ବିଶାଳ ପ୍ରତିବାଦରେ ଏକତ୍ରିତ ହୋଇଥିଲେ, ଯାହା ଏକ ସୃଷ୍ଟ ବାର୍ତା ଦେଇଥିଲା ଯେ ବିଳମ୍ବ ଆଉ ଏକ ବିକଳ୍ପ ନୁହେଁ ।
ଏହି ବିଷୟରେ ଧର୍ମଗଡ଼ର ବିଧାୟକ ସୁଧୀର ରଞ୍ଜନ ପାଟ୍ଟଜୋଶୀ କହିଛନ୍ତି, ‘ଏହି ନ୍ୟାୟପୂର୍ଣ ଦାବିରେ ମୁଁ କଳାହାଣ୍ଡିର ଲୋକଙ୍କ ସହିତ ଦୃଢ଼ ଭାବରେ ଠିଆ ହୋଇଛି ଏବଂ ମୁଁ ଏହି ମାମଲାକୁ ଓଡ଼ିଶାର ମାନ୍ୟବର ମୁଖ୍ୟମନ୍ତ୍ରୀଙ୍କ ନିକଟରେ ଉଠାଇବି’ ବୋଲି ପ୍ରତିଶ୍ରୁତି ଦେଇଛନ୍ତି ।
‘ଏହା କେବଳ କଳାହାଣ୍ଡିର ସମସ୍ୟା ନୁହେଁ, ଏହା ରାୟଗଡ଼ା ସମେତ ସମଗ୍ର ଅଂଚଳ ପାଇଁ ଏକ ଜୀବନରେଖା । ଓଡ଼ିଶା ବିଶ୍ଵର କିଛି ସମୃଦ୍ଧ ବକ୍ସାଇଟ୍ ସଂରକ୍ଷଣ ସହିତ ଆଶୀର୍ବାଦ ପ୍ରାପ୍ତ, ତଥାପି ଆମର ଲୋକମାନେ ବଂଚିତ ଅଛନ୍ତି ଯେତେବେଳେ ଦେଶ ବହୁ ମୂଲ୍ୟରେ ଆମଦାନି କରିଚାଲିଛି । ଯଦି ସୁପ୍ରିମକୋର୍ଟ ଦ୍ୱାରା ପୂର୍ବରୁ ସ୍ଥିର କରାଯାଇଥିବା ସୁରକ୍ଷା ବ୍ୟବସ୍ଥା ସହିତ ଦାୟିତ୍ଵପୂର୍ଣ ଭାବରେ ଖଣି କାର୍ଯ୍ୟ କରାଯାଏ, ତେବେ ଏହା ନିଯୁକ୍ତି ସୃଷ୍ଟି କରିପାରିବା ସହିତ ଭିତିଭୂମିର ଉନ୍ନତି ତଥା ସ୍ଥାନୀୟ ସମ୍ପ୍ରଦାୟର ଉନ୍ନତି ହୋଇପାରିବ । ମୁଁ ଏହି ନ୍ୟାୟପୂର୍ଣ ଦାବିରେ ଲୋକଙ୍କ ସହିତ ଠିଆ ହୋଇଛି ଏବଂ ବିକାଶ ଏବଂ ମର୍ଯ୍ୟାଦା ଉଭୟ ସୁନିଶ୍ଚିତ କରୁଥିବା ସମାଧାନ ପାଇଁ ପ୍ରୟାସ ଜାରି ରଖୁବି । ମୁଁ ପ୍ରତିଶ୍ରୁତି ଦେଉଛି ଯେ ମୁଁ ଏହି ଗୁରୁତ୍ବପୂର୍ଣ ବିଷୟକୁ ମାନ୍ୟବର ମୁଖ୍ୟମନ୍ତ୍ରୀଙ୍କ ଉପସ୍ଥାପନ କରିବି ଏବଂ ଯାହା ଦ୍ବାରା ଆମ ଲୋକଙ୍କ ଅସୁବିଧା ବିଳମ୍ବ ନହୋଇ ସମାଧାନ ହୋଇପାରିବ’ ବୋଲି ବିଷମକଟକ ବିଧାୟକ ନୀଳମାଧବ ହିକକା କହିଛନ୍ତି ।
