ଓଡ଼ିଆ ବାର୍ତ୍ତା/ ଗୁଣୁପୁର (ପଦ୍ମନ ଭତ୍ରା): ରାୟଗଡ଼ା ଜିଲ୍ଲା ଗୁଣୁପୁର ସହରରେ ପୃଥକ ପୃଥକ ସ୍ଥାନରେ ପୋଲିସ ଓ ଏମଭିଆଇ ଦ୍ୱାରା ଗାଡ଼ି ମୋଟର ଯାଞ୍ଚ ବେଳେ ଲକ୍ଷାଧିକ ଆଦାୟ ହୋଇଥିବା ଜଣାପଡିଛି | ବିଶେଷ କରି ଯାଞ୍ଚ ସମୟରେ ଏକାଧିକ କଲେଜ ପଢୁଆ ଛାତ୍ର ମାନେ ଯାଞ୍ଚର ଶିକାର ହୋଇଥିଲେ | କିଏ ପ୍ରାପ୍ତ ବୟସ୍କ ହୋଇ ନ ଥିବା ବେଳେ କିଏ ଏକାଧିକ ପରିବହନ ପୁଣି କିଏ ଅଣ ଲାଇସେନ୍ସଧାରୀ ଛାତ୍ର ରହିଥିଲେ | ଏଥି ନିମନ୍ତେ ଯାଞ୍ଚକାରୀ ଦଳ ଛାତ୍ର ମାନଙ୍କ ଅଭିଭାବକ ମାନଙ୍କୁ ମଧ୍ୟ ଡକାଇ ସତର୍କତା ଅବଲମ୍ବନ କରିବାକୁ ନିବେଦନକରି ଚାଲାଣ କାଟିଥିଲେ | ଏଠାରେ କଥା ଉଠୁଛି କି ଅଭିଭାବକ ମାନେ ନିଜ ନିଜ ପୁତ୍ର ମୋହ ନ ଦେଖାଇ ପ୍ରାପ୍ତ ବୟସ ନଥିବା ପୁତ୍ରଙ୍କୁ ଗାଡ଼ି ଚାବି ନ ଦେଲେ ଜୋରିମାନା ଗଣିବାରୁ ବର୍ତ୍ତୀ ପାରିବେ | ଆଉ ପୁଣି ବିଶେଷ କରି କଲେଜ ପଡୁଆ ଛାତ୍ର ଛାତ୍ରୀ ଓ ନାବାଳକ ମାନେ ମଧ୍ୟ ସାବଧାନ ନିମନ୍ତେ ଅଭିଭାବକ ମାନଙ୍କୁ ଜୋରିମାନା ପକାଇ ସତର୍କ କରିଛି ପ୍ରଶାସନ | ଏହି ଯାଞ୍ଚ ବେଳେ ରାୟଗଡ଼ା ଏମଭିଆଇ ପି ଦୁର୍ଗା ପ୍ରସାଦ ରାଓ ଉପସ୍ଥିତ ରହି ସାମାନ୍ୟ ଦୁର୍ଘଟଣାକୁ ଏଡାଇବା ପାଇଁ ବିଭାଗ ପକ୍ଷରୁ ଏହିଭଳି ପଦକ୍ଷେପ ନିଆଯାଇଛି ବୋଲି ମତ ପ୍ରକାଶ କରିଛନ୍ତି |
