କଳାହାଣ୍ଡି, (ଲିଙ୍ଗରାଜ ମିଶ୍ର): ନୂତନ ଭାବେ ଯୋଗଦେଇ ଥିବା ନର୍ଲା ବ୍ଲକ ଶିକ୍ଷା ଅଧିକାରୀ ଶ୍ରୀଯୁକ୍ତ ତପିମଣି ଯାନୀ ଆଜି ନର୍ଲାରୋଡ ସ୍ଥିତ ଜୟଦୁର୍ଗା ହାଇସ୍କୁଲ ପରିଦର୍ଶନ କରି ଥିଲେ। ଏହି ଅବସରରେ ସେ ବିଦ୍ୟାଳୟ ର ପ୍ରଧାନଶିକ୍ଷକ ଶ୍ରୀଯୁକ୍ତ ବିଶ୍ବମ୍ବର ଭୋଇ ଓ ଅନ୍ୟ ଶିକ୍ଷକ ମାନଙ୍କ ସହ ୟୁଟ୍ୟୁବ ଶିକ୍ଷା ଦାନ, ମୋ ସ୍କୁଲ ଯୋଜନା ଆଦିର ପ୍ରଗତି ବିଷୟରେ ଆଲୋଚନା କରି ଉଦ୍ୟମକୁ ପ୍ରସଂଶା କରି ଥିଲେ।
ମୋ ସ୍କୁଲ ଅଭିଯାନରେ ତିଆରି ହେଇ ଥିବା ନୂତନ ବିଜ୍ଞାନଗାର ନିହାତି ଭାବେ ବିଦ୍ୟାଳୟ ର ଶିକ୍ଷଣ ସ୍ତର ବୃଦ୍ଧି କରିବ ବୋଲି ପ୍ରକାଶ କରିବା ସହ ସେ ସବୁବେଳେ ବିଦ୍ୟାଳୟ ର ଉନ୍ନତି ପାଇଁ ଉପଲବ୍ଧ ହେବେ ବୋଲି ପ୍ରତିଶୃତି ଦେଇଥିଲେ। ଶିକ୍ଷଣ ପରିବେଶ ବୃଦ୍ଧି ପାଇଁ ଶିକ୍ଷକ-ଅଭିଭାବକ ଓ ପୁରାତନ ଛାତ୍ର ଛାତ୍ରୀ ମାନଙ୍କ ମଧ୍ୟରେ ସମନ୍ୱୟ ରହିବା ନିହାତି ଜରୁରୀ ବୋଲି ସେ ମତପ୍ରକାଶ କରିଥିଲେ ଓ ସେ ଦିଗରେ ବିଦ୍ୟାଳୟର ପ୍ରଚେଷ୍ଟାକୁ ପ୍ରସଂଶା କରିଥିଲେ।
ଏହି ଅବସରରେ ବିଦ୍ୟାଳୟ ପରିସରରେ ବୃକ୍ଷ ରୋପଣ କାର୍ଯ୍ୟମଧ୍ୟ ଅନୁଷ୍ଠିତ ହୋଇଥିଲା। ଏହି ଅବସରରେ ଅତିରିକ୍ତ ଗୋଷ୍ଠୀ ଶିକ୍ଷା ଅଧିକାରୀ ଜୟସେନ ନିଆଲ ମଧ୍ୟ ଉପସ୍ଥିତ ଥିଲେ।
