କୋକସରା, (ହିରଣ୍ୟ ବେହେରା): କୋକସରା ବ୍ଲକ ବଙ୍ଗୋମୁଣ୍ଡା ପେଟ୍ରୋଲ ପମ୍ପ ପାଖ ଜାତୀୟ ରାଜପଥ-୨୬ ଉପରେ ଆଜି ଏକ ମର୍ମନ୍ତୁଦ ଦୁର୍ଘଟଣା ଘଟିଛି। ଏଥିରେ ଜଣକର ମୃତ୍ୟୁ ହୋଇଯାଇଥିବା ବେଳେ ଦୁଇ ଜଣ ଗୁରୁତର ଅଛନ୍ତି। ଏକ ମାଲ୍ ବୋଝେଇ ଟ୍ରକ ଭାରସାମ୍ୟ ହରାଇ ଏହି କାଣ୍ଡ ଭିଆଇଥିବା ଜଣାପଡିଛି। ଏହି ଦୁର୍ଘଟଣାର ମୃତକ ହେଲେ ଗମ୍ଭାରୀଗୁଡା ପଞ୍ଚାୟତ ଚିକିଲି ଗ୍ରାମର ଯୋଗାଧ୍ୟାନ ବେମାଲ (୩୯) ଏବଂ ଆହତ ଦୁଇଜଣ କୋକସରାର ରାମବତୀ ଦୀପ ଓ ବଙ୍ଗୋମୁଣ୍ଡାର ଅନନ୍ତ ଗହୀର ବୋଲି ଜଣାପଡିଛି। ଆହତଙ୍କୁ ଗୁରୁତର ଅବସ୍ଥାରେ କୋକସରା ମେଡ଼ିକାଲରେ ଭର୍ତି କରାଯାଇଛି।
ଖବର ଲେଖା ହେବା ପର୍ଯ୍ୟନ୍ତ ଘଟଣା ସ୍ଥଳରେ କ୍ଷତିଗ୍ରସ୍ତ ପରିବାର ରାସ୍ତା ଅବରୋଧ କରି କ୍ଷତି ପୂରଣ ଦାବି କରୁଛନ୍ତି। କୋକସରା ପୋଲିସ ଓ ଅଗ୍ନି ସମ ବିଭାଗ ଶବ ଉଦ୍ଧାରରେ ଲାଗି ପଡିଛନ୍ତି।
