ଓଡ଼ିଆ ବାର୍ତ୍ତା/ ରାୟଗଡା (ଶିବ ନାରାୟଣ ଗୈାଡ): ରାୟଗଡା ସ୍ୱଂୟଶାସିତ ମହାବିଦ୍ୟାଳୟର ରାଜନୀତି ବିଞାନ ବିଭାଗ ତରଫରୁ ସମ୍ବିଧାନ ପ୍ରଣେତା ତଥା ମହାନ୍ ସମାଜ ସଂସ୍କାରକ ବାବାସାହେବ ଡଃ. ଭୀମାରାଓ ଆମ୍ବେଦକରଙ୍କ ୧୩୨ତମ ଜନ୍ମ ଜୟନ୍ତି ପାଳିତ ହୋଇଯାଇଛି । ଏହି ଅବସରରେ ମହାବିଦ୍ୟାଳୟର ଅଧ୍ୟକ୍ଷ ଡ.ପ୍ରସନ୍ନ କୁମାର ଗନ୍ତାୟତ ପ୍ରଦୀପ ପ୍ରଜ୍ୱଳନ ପୂର୍ବକ କାର୍ଯ୍ୟକ୍ରମର ଉଦଘାଟନ କରିବା ସହ ଆମ୍ବେଦକରଙ୍କ ଜୀବନୀ ତଥା ଭାରତର ସମାଜ,ରାଜନୀତି ଓ ଆଇନ୍ କ୍ଷେତ୍ରରେ ତାଙ୍କର ଅବଦାନ ବିଷୟରେ ଆଲୋକପାତ କରିଥିଲେ । ଏହି ଜୟନ୍ତି ପାଳନ କାର୍ଯ୍ୟକ୍ରମ ରାଜନୀତି ବିଞାନ ବିଭାଗର ମୁଖ୍ୟ ପି.ଅରୁଣ କୁମାରଙ୍କ ତତ୍ୱାବଧାନରେ ଅନୁଷ୍ଠିତ ହୋଇଥିଲା । ମହାବିଦ୍ୟାଳୟର ବରିଷ୍ଠ ଅଧ୍ୟାପିକା ଡ. ବବିଲତା ସରାଫ, ଅଧ୍ୟାପକ ଅରୁଣ କୁମାର ଖାଡଙ୍ଗା, ଅଧ୍ୟାପକ ଉଦୟ ନାୟକ, କେ.ଶଶି ଓ ଡ. ମାନସୀ ମହାନ୍ତି ଆମ୍ବେଦକରଙ୍କ ଆଦର୍ଶରେ ଅନୁପ୍ରାଣିତ ହେବା ପାଇଁ ଛାତ୍ରଛାତ୍ରୀଙ୍କୁ ଦିଗଦର୍ଶନ ଦେଇଥିଲେ । ଏହି ଅବସରରେ ମହାବିଦ୍ୟାଳୟର ବିଭିନ୍ନ ବିଭାଗର ବିଭାଗୀୟ ମୁଖ୍ୟ,ଅଧ୍ୟାପକଅଧ୍ୟାପିକା ବୃନ୍ଦ,କର୍ମଚାରୀ ଓ ପ୍ରାୟ ଶହେରୁ ଉର୍ଦ୍ଧ ଛାତ୍ରଛାତ୍ରୀ କାର୍ଯ୍ୟକ୍ରମରେ ଯୋଗଦାନ କରିଥିଲେ । ପରିଶେଷରେ ରାଜନୀତି ବିଞାନ ବିଭାଗର ସେମିନାର ସଂଯୋଜିକା ସୁଶ୍ରୀ ନୁପୁର କାଣ୍ଡା ଧନ୍ୟବାଦ ଅର୍ପଣ କରିଥିଲେ ।
