ଭାଷା ଭାରତୀର ଆରଧନା ପାଇଁ
ସଜାଇଛି ପୂଜା ଥାଳି
ମୋ ଓଡିଆ ଭାଷା ଅଟେ ମାତୃରୂପା
ଚରଣ ଦେବି ପଖାଳି ।
ଶଦ୍ଦ ଅଳଙ୍କାରେ ବିଭୂଷିତା ମାଆ
ଅନୁପମ ରୂପ ଶୋଭା
ମଧୁର ବସନ୍ତେ ମଧୁକଣ୍ଠ ବୋଲି
ବଚନିକା ସୁଧା ଆଭା ।
ସୁପୁତ୍ର ସୁକନ୍ୟା ଜନମି ତା’ କୋଳେ
ନବ ରତ୍ନେ ଭରି ଭାଷା
ଗଳ୍ପ ଉପନ୍ୟାସ କବିତା ପ୍ରବନ୍ଧ
ବିଭବେ ପୂରିଛି ଆଶା ।
ଶଦ୍ଦ ରେ ଗୁନ୍ଥା ଭାଷାକୋଷର ମଣି
ଗଢ଼ୁ ନିତି ମୁକ୍ତାହାର
ଭାଷା ଭାରତୀର ଗଳାରେ ଲମ୍ବାଇ
ଫୁଟାଉ ଶୋଭା ସ୍ବର୍ଗର ।
ଉତ୍କଳ ପ୍ରଦେଶ ଭାଷା କୁସୁମରେ
ଆଶାରେ ଦେବା ସଜାଇ
ଭାଷାର ମଳୟ ବହୁ ମୋର ରାଜ୍ଯେ
ପ୍ରତି ପ୍ରାଣ ଯାଉ ଛୁଇଁବ ।