ଓଡ଼ିଆ ବାର୍ତ୍ତା/ ରାୟଗଡ଼ା/କାଶିପୁର: ଆଦିତ୍ୟ ବିର୍ଲା ଗ୍ରୁପ୍ର ହିଣ୍ଡାଲ୍କୋ ଇଣ୍ଡଷ୍ଟ୍ରିଜର ଏକ ସହଯୋଗୀ କମ୍ପାନୀ ଉତ୍କଳ ଆଲୁମିନା ଇଣ୍ଟରନ୍ୟାସନାଲ ଲିମିଟେଡ ଏହି ଅଞ୍ଚଳରେ ସ୍ଥାନୀୟ କ୍ରୀଡା ଓ ସଂସ୍କୃତିକୁ ପ୍ରୋତ୍ସାହିତ କରିବାକୁ ପ୍ରତିବଦ୍ଧ ରହିଛି । କ୍ରୀଡା ପ୍ରତି ସ୍ଥାନୀୟ ପ୍ରତିଭାଙ୍କୁ ଉତ୍ସାହିତ କରିବା ସକାଶେ ଏହା ମାର୍ଚ୍ଚ ୨୧ରୁ ୨୪ ପର୍ଯ୍ୟନ୍ତ ଯୋଗିପାରିତୁଣ୍ଡାସ୍ଥିତ ଯୋଗୀ ସନ୍ନ୍ୟାସୀ ୟୁଥ୍ କ୍ଲବ ସହିତ ମିଳିତ ଭାବରେ ଏକ ବ୍ଲକସ୍ତରୀୟ ଭଲିବଲ ଟୁର୍ଣ୍ଣାମେଣ୍ଟ ଆୟୋଜନ କରିଥିଲା । ଖଣି ପାରିପାର୍ଶ୍ବିକ ୧୫ଟି ଗ୍ରାମରୁ ୧୬ଟି ଦଳ ଏହି ଟୁର୍ଣ୍ଣାମେଣ୍ଟରେ ଅଂଶଗ୍ରହଣ କରିଥିଲେ ।
ଟୁର୍ଣ୍ଣମେଣ୍ଟକୁ ଶ୍ରୀ ତପନ ମାହାଲି, ଆଇଆଇସି, ଅଣ୍ଡିରାକଞ୍ଚ ଥାନା, ଅନ୍ୟ ଗୋଷ୍ଠୀ ନେତୃବୃନ୍ଦଙ୍କ ସହିତ ମିଶି ଉଦ୍ଘାଟନ କରିଥିଲେ । ଫାଇନାଲ୍ ମ୍ୟାଚ ପାଇକକୂପଖାଲ ଏବଂ ଅଣ୍ଡିରାକଞ୍ଚ ଦଳ ମଧ୍ୟରେ ଖେଳାଯାଇଥିଲା ଏବଂ ସେଥିରେ ପାଇକକୂପଖାଲ ଦଳ ଚମ୍ପିଆନ୍ସ ଟ୍ରଫି ବିଜୟୀ ହୋଇଥିବାବେଳେ ଅଣ୍ଡିରାକଞ୍ଚ ରନର୍ସ ଅପ୍ ହୋଇଥିଲା । ଶ୍ରୀ ଏସ ଏନ ଆଲେନୁର୍, ଜିଲ୍ଲା କ୍ରୀଡା ଅଧିକାରୀ, ରାୟଗଡା ଫାଇନାଲ୍ ମ୍ୟାଚ୍ରେ ମୁଖ୍ୟ ଅତିଥି ଭାବରେ ଯୋଗଦେଇ ବିଜୟୀ ଓ ରନର୍ସ ଅପ୍ ଦଳକୁ ଟ୍ରଫି ପ୍ରଦାନ କରିଥିଲେ । ଆଭ୍ୟନ୍ତରୀଣ ଅଞ୍ଚଳରେ ସ୍ଥାନୀୟ କ୍ରୀଡାକୁ ପ୍ରୋତ୍ସାହିତ କରିବା ଦିଗରେ ଉତ୍କଳ ଆଲୁମିନାର ପ୍ରୟାସକୁ ସେ ପ୍ରଶଂସା କରିଥିଲେ ।
ଖେଳାଳିମାନେ ସେମାନଙ୍କ କ୍ୟାରିୟରରେ ସର୍ବଶ୍ରେଷ୍ଠ ପ୍ରଦର୍ଶନ କରିବାକୁ ସେ ଉତ୍ସାହିତ କରି କହିଥିଲେ ଯେ ସମ୍ପ୍ରତି କ୍ରୀଡା ମଣିଷ ଜୀବନର ଏକ ଅବିଚ୍ଛେଦ୍ୟ ଅଙ୍ଗ ପାଲଟିଛି ଏବଂ ଏକ ସମୃଦ୍ଧ କ୍ୟାରିୟର ଗଠନ ନିମନ୍ତେ ଏଥିରେ ବହୁବିଧ ସୁଯୋଗ ରହିଛି । ଉତ୍କଳ ଆଲୁମିନାର ଏହିଭଳି ପଦକ୍ଷେପ ଗୁଡିକ ନିଶ୍ଚିତ ଭାବରେ କମ୍ପାନୀ ଏବଂ ଯୁବଗୋଷ୍ଠୀଙ୍କ ମଧ୍ୟରେ ସୁଦୃଢ କରିପାରିଥିବା ସେଠାରେ ଉପସ୍ଥିତ ଦର୍ଶକମାନେ ମତ ଦେଇଥିଲେ । ଉତ୍କଳ ଆଲୁମିନାର ଟିମ୍ ସିଏସଆର ଏହି କ୍ରୀଡା କାର୍ଯ୍ୟକ୍ରମ ପରିଚାଳନା କରିଥିଲେ ।
ରାୟଗଡାରୁ ଶିବ ନାରାୟଣ ଗୈାଡଙ୍କ ସହ କାଶିପୁର ପ୍ରତିନିଧି ଆଲାରାମ ଭତ୍ରାଙ୍କ ରିପୋର୍ଟ OdiaBarta.in