ଜାତୀୟ ପ୍ରେସ୍ ଦିବସରେ ସମ୍ବର୍ଦ୍ଧିତ ହେଲେ ସମୀର ଚାନ୍ଦ

 

କଳାହାଣ୍ଡି,୧୬/୧୧:
ଓଡିଶା ପତ୍ରକାର ସଂଘ ସହ ଅନୁବନ୍ଧିତ ନର୍ଲା ପ୍ରେସ୍ କ୍ଲବ ଦ୍ବାରା ଆୟୋଜିତ ଜାତୀୟ ପ୍ରେସ୍ ଦିବସ ପାଳନ ଅବସରରେ ଯୁବ ନେତା ସମୀର ଚାନ୍ଦଙ୍କୁ ସମ୍ବର୍ଦ୍ଧିତ କରାଯାଇଛି । କଳାହାଣ୍ଡି ଜିଲ୍ଲା ରୁପ୍ରାରୋଡ ଠାରେ ଆୟୋଜିତ ହୋଇଥିବା ଏହି ବର୍ଣାଢ୍ୟ ଉତ୍ସବରେ ସମାଜସେବା କ୍ଷେତ୍ରରେ ଉଲ୍ଲେଖନୀୟ ଅବଦାନ ଲାଗି ଶ୍ରୀଯୁକ୍ତ ଚାନ୍ଦଙ୍କୁ ସମ୍ବର୍ଦ୍ଧିତ କରାଯାଇଥିବା ପ୍ରେସ କ୍ଲବ ପକ୍ଷରୁ ସୂଚନା ଦିଆଯାଇଛି । ଏଠାରେ ସୂଚନାଯୋଗ୍ୟ ଯେ, ନର୍ଲାରେ ଜନ୍ମିତ ଶ୍ରୀଯୁକ୍ତ ଚାନ୍ଦ ସମାଜର ଅବହେଳିତ, ନିଷ୍ପେଷିତ ବ୍ୟକ୍ତିମାନଙ୍କ ଅଧିକାର ପାଇଁ ସଂଘର୍ଷରତ । ଏହା ସହ ସେ ଅଞ୍ଚଳର ବିଭିନ୍ନ ଅନୁଷ୍ଠାନ ଓ ସାଧାରଣ ଜନତାଙ୍କୁ ଖୋଲା ହୃଦୟର ସହ ସାହାଯ୍ୟ ସହଯୋଗ କରିଥାନ୍ତି । ବର୍ତମାନ ସୁଦ୍ଧା ହଜାରେରୁ ଅଧିକ ସଭାସମିତିରେ ଅତିଥି ଭାବେ ଯୋଗଦେବା ସହ ସହଯୋଗର ହାତ ବଢେଇ ସମାଜର ବୃହତ୍ତର ସ୍ବାର୍ଥ ପାଇଁ କାର୍ଯ୍ୟ କରି ଯୁବକମାନଙ୍କ ପାଇଁ ପ୍ରେରଣାର ଉତ୍ସ ପାଲଟିଛନ୍ତି । ନର୍ଲା ଅଞ୍ଚଳର ଉନ୍ନତି ପାଇଁ ତତ୍ପର ଥିବା ଏହି ଯୁବ ବ୍ୟକ୍ତିତ୍ବ ଆଗାମୀ ନିର୍ବାଚନରେ ନର୍ଲାରୁ ବିଧାୟକ ପାର୍ଥୀ ଭାବେ ଲଢିବାକୁ ସ୍ଥିର କରିଛନ୍ତି ।

ସମ୍ବର୍ଦ୍ଧିତ ହେବା ଅବସରରେ ନର୍ଲା ପ୍ରେସ୍ କ୍ଲବକୁ ସମ୍ଭୋଧୀତ କରି ସେ ତାଙ୍କ ବ୍ୟକ୍ତବ୍ୟରେ ମାଟିର ଉନ୍ନତିପାଇଁ ସମର୍ପିତ ଥିବା ପ୍ରକାଶ କରିବାସହ ଏହି ସମ୍ରଦ୍ଧନା ତାଙ୍କ ପାଇଁ ଗର୍ବ ଓ ଗୌରବର ବିଷୟ ବୋଲି ପ୍ରକାଶ କରିଛନ୍ତି ।

ନର୍ଲା ପ୍ରେସ୍ କ୍ଲବ ସଭାପତି ଥବିରାମ ବୁଦ୍ଧିଆଙ୍କ ସଭାପତିତ୍ବରେ ଅନୁଷ୍ଠିତ ଏହି ଉତ୍ସବରେ ମୂଖ୍ୟ ଅତିଥି ଭାବେ ନର୍ଲା ବ୍ଲକ ଉପାଧ୍ୟକ୍ଷ ଦୂର୍ଗାପ୍ରସାଦ ମହାନ୍ତି , ମୁଖ୍ୟ ବକ୍ତା ଭାବେ ଓଡିଶା ପତ୍ରକାର ସଂଘର ରାଜ୍ୟ ଉପସଭାପତି ରାମଦାସ ଲିମା , ବିଶିଷ୍ଟ ଅତିଥି ଭାବେ ଭବାନିପାଟଣା ସ୍ବୟଂଶାସିତ ମହାବିଦ୍ୟାଳୟର ଅବସରପ୍ରାପ୍ତ ଅଧ୍ୟକ୍ଷ ଅଜୟ ମିଶ୍ର , ସମ୍ମାନିତ ଅତିଥି ଭାବେ ସମାଜସେବୀ ଇଂ. ସୁଶୀଲ କୁମାର ଶବର , ଲାଞ୍ଜିଗଡ ପ୍ରେସ୍ କ୍ଲବ ସଭାପତି କୈଲାସ ସାହୁ , ନର୍ଲା ପ୍ରେସ୍ କ୍ଲବ ତଥା ଓଡିଆ ବାର୍ତା ସଂପାଦକ ସୁନୀଲ କୁମାର ଧଙ୍ଗଡାମାଝୀ ପ୍ରମୁଖ ମଞ୍ଚାସୀନ ଥିଲେ । ଏହି ବର୍ଣାଢ୍ୟ ଉତ୍ସବରେ କଳାହାଣ୍ଡି ଜିଲ୍ଲା ସମେତ ପଡୋଶୀ ରାୟଗଡା ଓ ବଲାଙ୍ଗୀର ଜିଲ୍ଲାର ଅନେକ ସାମ୍ବାଦିକ ଉପସ୍ଥିତ ଥିଲେ ।

Sunil Kumar Dhangadamajhi

𝐸𝑑𝑖𝑡𝑜𝑟, 𝑂𝑑𝑖𝑎𝐵𝑎𝑟𝑡𝑎.𝑖𝑛

http://odiabarta.in
error: You are not allowed to copy this content. Thank you.