କବିତା: ଜୀବନ ଲତା

✍🏾ଡମ୍ବରୁଧର ବେହେରା

ଭଲ ଲୋକଟିଏ କରିଦିଅ ପ୍ରଭୁ
ଖରାପେ ଗଣା ନ ହେବି
ଲୋକଙ୍କ ଆଗରେ ଭଲ ନିଜେ ବୋଲି
କେବେ ପୁଣି ନ କହିବି…।।

କର୍ମ ପ୍ରତି ତ୍ୟାଗ ବଳିଦାନ ଭାବ
ରହୁ ସଦା ମୋର ମନେ
କର୍ମ ପାଇଁ କେବେ ଆଳସ ପ୍ରବୃତ୍ତି
ନ ଆସୁ କେବେ ବି ଦିନେ….।।

ନିଷ୍ଠା,ଏକାଗ୍ରତା, ଆତ୍ମ ବଳିଦାନ
ଦିଅ ମୋତେ ଦିବ୍ୟଜ୍ଞାନ
କାହାରି ମନରେ କଟୁ କଥା କହି
ନ ନେବି ଆତ୍ମ ସମ୍ମାନ…..।।

ତ୍ୟାଗ ବିନା କେହି କେବେ ଏ ସଂସାରେ
ଲଭନ୍ତି କି ସଫଳତା
ତୁମ୍ଭରି ଆଶିଷେ ବିନା ଇସାରାରେ
ବଢେ କି ଜୀବନ ଲତା…..!!

ଓଡ଼ିଆ ଶିକ୍ଷକ
ଜବହାର ନବୋଦୟ ବିଦ୍ୟାଳୟ
ସୁରଳ, ଗଞ୍ଜାମ
ସମ୍ପର୍କ: ୯୪୩୭୭୮୮୪୬୪
Sunil Kumar Dhangadamajhi

𝐸𝑑𝑖𝑡𝑜𝑟, 𝑂𝑑𝑖𝑎𝐵𝑎𝑟𝑡𝑎.𝑖𝑛

http://odiabarta.in
error: You are not allowed to copy this content. Thank you.