ଦେଢ଼ ବର୍ଷ ତଳେ କେରଳର ପଥନମଥିଟ୍ଟା ଜିଲ୍ଲାର ଏକ ଭଡ଼ା ଘରୁ ନିଖୋଜ ହୋଇଯାଇଥିବା ଜଣେ ୩୪ ବର୍ଷୀୟ ବ୍ୟକ୍ତିଙ୍କୁ ଇଡୁକ୍କି ଜିଲ୍ଲାର ଥୋଡୁପୁଝା ନିକଟସ୍ଥ ଏକ ଗାଁରେ ଠାବ କରାଯାଇଛି ବୋଲି ପୁଲିସ କହିଛି। ଯୁବକ ଜଣଙ୍କ ନିଖୋଜ ମାମଲାରେ ତାଙ୍କ ୨୫ ବର୍ଷୀୟ ପତ୍ନୀ ଆଫସାନାଙ୍କୁ ଗିରଫ କରାଯିବାର ଗୋଟିଏ ଦିନ ପରେ ପୁଲିସ ତାଙ୍କୁ ଥୋଡୁପୁଝା ନିକଟ ଥୋମ୍ମାନକୁଥୁରୁ ଠାବ କରିଥିଲା। ଏହାପରେ ପୁଲିସକୁ ଏକ ବୟାନ ଦେଇଥିଲେ ଯେ ନୌଶାଦଙ୍କୁ ହତ୍ୟା କରାଯାଇଛି ଏବଂ ତାଙ୍କ ମୃତଦେହକୁ ପୋତି ଦିଆଯାଇଛି ବୋଲି ଅଭିଯୋଗ ହୋଇଥିଲା। ପୁଲିସ ସୂଚନା ମୁତାବକ, ପଠାନମଥିଟ୍ଟା ଜିଲ୍ଲାର କଲଞ୍ଜୁର ଅଞ୍ଚଳର ନୌଶାଦ ୨୦୨୧ ନଭେମ୍ବରରେ ତାଙ୍କ ଭଡ଼ା ଘରୁ ନିଖୋଜ ହୋଇଯାଇଥିଲେ। ଏହା ପରେ ସେ ଥୋମ୍ମାନକୁଥୁର ଏକ ଫାର୍ମରେ ଶ୍ରମିକ ଭାବେ ରହୁଥିଲେ। ଥୋଡୁପୁଝାରେ ଗଣମାଧ୍ୟମକୁ ସୂଚନା ଦେଇ ନୌଶାଦ କହିଛନ୍ତି ଯେ ସେ ତାଙ୍କ ପତ୍ନୀଙ୍କୁ ଭୟ କରୁଥିବାରୁ ଘରୁ ବାହାରକୁ ଚାଲଆସିଥିଲେ। ସେ ଅଭିଯୋଗ କରିଛନ୍ତି ଯେ ତାଙ୍କ ପତ୍ନୀ ଯେଉଁମାନଙ୍କୁ ଫୋନ୍ କରୁଥିଲେ ସେମାନେ ତାଙ୍କୁ ମାଡ଼ ମାରୁଥିଲେ। ପୁଲିସକୁ ବିଭ୍ରାନ୍ତିକର ବୟାନ ଦେବା ପରେ ପଠାନମଥିଟ୍ଟାର କୁଡାଲରେ ଅଫସାନାଙ୍କୁ ଗୁରୁବାର ପୁଲିସ ଗିରଫ କରିଛି। ନୌଶାଦଙ୍କୁ ହତ୍ୟା କରି ତାଙ୍କ ଦ୍ୱାରା ପୋତି ଦିଆଯାଇଥିବା ନେଇ ମହିଳା ଜଣଙ୍କ ବୟାନ ଦେଇଥିଲେ। ଏହାକୁ ଆଧାର କରି ପୁଲିସ ଆଫସାନାଙ୍କୁ କିଛି ନିର୍ଦ୍ଦିଷ୍ଟ ସ୍ଥାନକୁ ନେଇ ଯାଇଥିଲା। ନୌଶାଦଙ୍କ ବାପାଙ୍କ ଅଭିଯୋଗ ଆଧାରରେ ନିଖୋଜ ମାମଲାର ତଦନ୍ତ କରୁଥିବା ପୁଲିସ ନିକଟରେ ନୌଶାଦଙ୍କୁ ଦେଖିଥିବା ଦାବି କରିବା ପରେ ଉଦ୍ଧାର କରିଥିଲା।
