ଓଡ଼ିଆ ବାର୍ତ୍ତା/ ସୁବର୍ଣ୍ଣପୁର (ରାଜ କିଶୋର ତ୍ରିପାଠୀ): ମହାନଦୀ ଯୋଗ ବିହାର ସ୍ଥିତ ଶ୍ରୀ ଗୋପାଳଜୀ ଯୋଗାଳୟ ପରିସରରେ ସୋନପୁର ବରିଷ୍ଠ ନାଗରିକ ମହାସଂଘ ଦ୍ଵାରା ଆନ୍ତର୍ଜାତିକ ବରିଷ୍ଠ ନାଗରିକ ଦିବସ ମହା ସମାରୋହରେ ପାଳିତ ହୋଇ ଯାଇଛି I ସଂଘର ସଭାପତି ଡକ୍ଟର ଜ୍ୟୋତି ରଞ୍ଜନ ବହିଦାରଙ୍କ ସଭାପତିତ୍ବରେ ସଭା ଅନୁଷ୍ଠିତ ହୋଇଥିଵା ବେଳେ ପରିବର୍ତ୍ତନଶୀଳ ଦୁନିଆରେ ବରିଷ୍ଠ ନାଗରିକଙ୍କ ସ୍ଥିରତା ଉପରେ ସେ ଆଲୋକପାତ କରିଥିଲେ ଏବଂ ଯେତେ ଦିନ ଯାଏ ଆମ ସ୍ୱର ଶାଣିତ ନ ହେବ ସେତେ ଦିନ ଯାଏ ଆମେ ଅବହେଳାର ଶିକାର ହେଉଥିବା ବୋଲି ତାଙ୍କ ବକ୍ତବ୍ୟରେ କହିଥିଲେ l ଉପସଭାପତି କବି ଆର୍ତ୍ତତ୍ରାଣ ବାବୁ ସ୍ଵାଗତ ଭାଷଣ ପ୍ରଦାନ କରିଥିବା ବେଳେ ସମ୍ପାଦକ ଜ୍ୟୋତି ରଞ୍ଜନ ପଟ୍ଟନାୟକ ସମ୍ପାଦକୀୟ ବିବରଣୀ ପଠନ କରିଥିଲେ l ମୁଖ୍ଯବକ୍ତା ଗୋରେଖନାଥ ସାହୁ ନାଗରିକଙ୍କ ସୁରକ୍ଷା ଓ ଅଧିକାର ଉପରେ ବକ୍ତବ୍ୟ ପ୍ରଦାନ କରିଥିଲେ l ସଭ୍ଯ ସର୍ବଶ୍ରୀ କଇଁରୁ ସ୍ୱାଇଁ, ବ୍ୟୋମକେଶ ଦାଶ, ଉମେଶ ଚନ୍ଦ୍ର ପଣ୍ଡା, ଦିଲ୍ଲୀପ ରଥ, ମଦନ ମୋହନ ଦାନୀ, ଦେବ କିଶୋର ଦାନୀ ,ପ୍ରମୋଦ ଚାନ୍ଦ, ହରିହର ଶତପଥୀ, ମୃତ୍ୟୁଞ୍ଜୟ ଦାସ ଆଦି ବକ୍ତବ୍ୟ ପ୍ରଦାନ କରିଥିବା ବେଳେ ଶିକ୍ଷାବିତ୍ ପ୍ରଦୀପ କୁମାର ପୁରୋହିତ ସଭା ସଂଯୋଜନା କରିବା ସହ ଧନ୍ୟବାଦ ଅର୍ପଣ କରିଥିଲେ l
