ଓଡ଼ିଆ ବାର୍ତ୍ତା/ ଲକ୍ଷ୍ନୌ: ସୁହେଲଦେବ ଭାରତୀୟ ସମାଜ ପାର୍ଟି (ଏସବିଏସପି) ଅଧ୍ୟକ୍ଷ ଓମ ପ୍ରକାଶ ରାଜଭର ଏନଡିଏରେ ଯୋଗ ଦେଇଛନ୍ତି। ତାଙ୍କର ଯୋଗ ଦେବା ପରେ ପ୍ରଶ୍ନ ଉଠୁଛି ଯେ ସେ କେବେ ଉତ୍ତରପ୍ରଦେଶର ଯୋଗୀ ଆଦିତ୍ୟନାଥ କ୍ୟାବିନେଟରେ ଯୋଗଦେବେ। ଏହି ସମୟରେ ଓମ ପ୍ରକାଶ ରାଜଭରଙ୍କ ପୁଅ ଅରବିନ୍ଦ ରାଜଭର ଏକ ବଡ଼ ବୟାନ ଦେଇଛନ୍ତି। ଅରବିନ୍ଦ ରାଜଭର କହିଛନ୍ତି ଯେ ତାଙ୍କ ପିତା କେବେ ମନ୍ତ୍ରୀ ହେବେ ତାହା ଖୁବ ଶୀଘ୍ର ପ୍ରକାଶ ପାଇବ। ଏହା ପୂର୍ବରୁ ସ୍ଥିର ହୋଇସାରିଛି।
ଅରବିନ୍ଦ ରାଜଭର ଆହୁରି କହିଛନ୍ତି, ଓମ ପ୍ରକାଶ ରାଜଭରଙ୍କୁ କେଉଁ ବିଭାଗ ଦିଆଯିବ ତାହା ମଧ୍ୟ ସ୍ଥିର ହୋଇଛି। ଏନେଇ ଏକ ବୈଠକ ଅନୁଷ୍ଠିତ ହୋଇଯାଇଛି। ଏଥିପାଇଁ ଏକ ଉପଯୁକ୍ତ ସମୟ ରହିଛି, ଠିକ୍ ସମୟ ଆସିଲେ କେଉଁ ବିଭାଗ ଦିଆଯିବ ତାହା ଘୋଷଣା କରାଯିବ। ଅନ୍ୟପଟେ ରାଜଭର କହିଛନ୍ତି, ଗ୍ରାମବାସୀଙ୍କ ସମସ୍ୟା କିପରି ହ୍ରାସ ପାଇବ, ରାସ୍ତା କେବେ ନିର୍ମାଣ ହେବ, ଡ୍ରେନ କିପରି କରାଯିବ, ଏହି ପରି ଭାବେ ରହିବ ମନ୍ତ୍ରଣାଳୟ। ଯେତେବେଳେ ଖବରଦାତା ଓମ ପ୍ରକାଶ ରାଜଭରଙ୍କୁ ପଞ୍ଚାୟତରାଜଙ୍କୁ ମିଳିବ ବୋଲି ପଚାରିବାରୁ ସେ ହସି କହିଛନ୍ତି, ଯଦି ଆପଣ ଏହା କହୁଛନ୍ତି ତେବେ ଏହାକୁ ମଧ୍ୟ ଯୋଡି ଦିଅନ୍ତୁ।
ରାଜଭର କହିଛନ୍ତି ଯେ ବିରୋଧୀ ମାନେ ଚିନ୍ତା କରୁଥିବେ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଓମ ପ୍ରକାଶ ରାଜଭରଙ୍କ ବିପକ୍ଷରେ ଅଛନ୍ତି। କିନ୍ତୁ ପ୍ରକୃତରେ ସେପରି କିଛି ନାହିଁ। ଜୁଲାଇ ୩ ରେ ଯୋଗୀ ବୈଠକ ପାଇଁ ଡକାଇଥିଲେ। ଏଛାରେ ଉଭୟଙ୍କର ବୈଠକ ହୋଇଥିଲା। ଯୋଗୀଙ୍କ ନିର୍ଦ୍ଦେଶ ଅନୁଯାୟୀ ଦିଲ୍ଲୀ ଯାଇ ଗୃହମନ୍ତ୍ରୀ ଅମିତ ଶାହାଙ୍କ ସହ ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଜେପି ନାଡ୍ଡାଙ୍କ ସହ ସାକ୍ଷାତ ହୋଇଥିଲା। ଏହି ବୈଠକରେ କେନ୍ଦ୍ରଠାରୁ ଆରମ୍ଭ କରି ରାଜ୍ୟ ସରକାର ପର୍ଯ୍ୟନ୍ତ ସମସ୍ତେ ସମାଜର କଲ୍ୟାଣ ପାଇଁ ପଦକ୍ଷେପ ନେବା ଦିଗରେ ଆଲୋଚନା ହୋଇଥିଲା।
