ଓଡ଼ିଆ ବାର୍ତ୍ତା/ ସୁବର୍ଣ୍ଣପୁର (ରାଜ କିଶୋର ତ୍ରିପାଠୀ): ଭାରତୀୟ ସଂରକ୍ଷିତ ବାହିନୀ (ଆଇଆରବି) ସିପାହୀ ସଚିନ କୁମାର ସାହୁଙ୍କ ୩୪ ବର୍ଷ ପରଲୋକ ହୋଇଯାଇଛି। ଏନେଇ ଆଜି ସ୍ଥାନୀୟ ମଝିପଡ଼ା କାଳୀ ପୂଜା ମଣ୍ଡପ ଠାରେ ଏକ ଶ୍ରଦ୍ଧାଞ୍ଜଳି ସଭା ଅନୁଷ୍ଠିତ ହୋଇଥିଲା। ରାମଧୁନ କ୍ଲବ, ସ୍ୱଚ୍ଛ ଭାରତ, ଜିଲ୍ଲା କ୍ରୀଡା ସଂଘ, ବେଡ ମିଣ୍ଟନ ଏସୋସିଏସନ, ଜିଲ୍ଲା କ୍ରିକେଟ ସଂଘ, ଟ୍ରାକ୍ଟର ସଂଘ, ବୋଲ ବମ ଚେରିଟେବୁଲ ଟ୍ରଷ୍ଟ, ଭେଟେରାନ ଫୁଟବଲ ଟିମର ଶହେରୁ ଉର୍ଦ୍ଧ୍ବ ସକ୍ରିୟ ସଦସ୍ୟ ଯୋଗ ଦେଇ ସ୍ବର୍ଗତ ସଚୀନଙ୍କ ଫଟୋ ଚିତ୍ରରେ ଦୀପ ଧୂପ ପୁଷ୍ପ ପ୍ରଦାନ କରି ଶ୍ରଦ୍ଧାଞ୍ଜଳି ଅର୍ପଣ କରିଥିଲେ ଏବଂ ସ୍ବର୍ଗତ ଅମର ଆତ୍ମାର ସଦଗତି ପାଇଁ ଦୁଇ ମିନିଟ ନିରବ ପ୍ରାର୍ଥନା କରିଥିଲେ। ସାମ୍ବାଦିକ ମନୋରଞ୍ଜନ ତ୍ରିପାଠୀଙ୍କ ସଂଯୋଜନାରେ ଅନୁଷ୍ଠିତ ଏହି ଶୋକ ସଭାରେ ସମାଜସେବୀ ଶ୍ରୀବତ୍ସ ମଲ୍ଲିକ, କଇରୁ ସ୍ୱାଇଁ, ପିୟୁଷ ପଣ୍ଡା, ବିକାଶ ପଣ୍ଡା, ମନବୋଧ ଭୋଇ, ଚିତ୍ତ ରଞ୍ଜନ ତରାସିଆ, ଶେଷଦେବ ମେହେର, ଲଡ଼ୁ କିଶୋଇ ମଲ୍ଲିକ, ଆଶିଷ ଅଗ୍ରୱାଲା ପ୍ରମୁଖ ବହୁ ମାନ୍ୟଗଣ୍ୟ ବ୍ୟକ୍ତି ଯୋଗଦେଇ ଦେଶ ସେବକ ତଥା କ୍ରୀଡା ପ୍ରତିଭା ସ୍ବର୍ଗୀୟ ଆତ୍ମା ସଚିନ ସାହୁଙ୍କ ସ୍ମୃତି ଚାରଣ କରିଥିଲେ।
