ଓଡ଼ିଆ ବାର୍ତ୍ତା/ କଳାହାଣ୍ଡି (ନବୀନ କିଶୋର ସାହୁ): କଳାହାଣ୍ଡି ଜିଲ୍ଲା କର୍ଲାମୁଣ୍ଡା ବ୍ଲକ ଅନ୍ତର୍ଗତ ସରଗୁଲ-ମାଳପଡା ପଞ୍ଚାୟତର ସରପଞ୍ଚ ବରୁଣ ଛତ୍ରୀଆଙ୍କ କରକମଳରେ ସରଗୁଲ-ମାଳପଡା ଅଙ୍ଗନବାଡ଼ି କେନ୍ଦ୍ର ଉଦଘାଟିତ ହୋଇଯାଇଛି। ଆୟୋଜିତ କାର୍ଯ୍ୟକ୍ରମରେ ଓ୍ୱାଡସଭ୍ୟ ଧରଣୀ ସାହୁ, ବିମଳା ସାହୁ, ଲିଲାବତୀ ସାହୁ, ଆଶାକର୍ମୀ ନମିତା ସାହୁ, ଅଙ୍ଗନୱାଡ଼ି କର୍ମୀ ପ୍ୟାରୀ ସୁନା ପ୍ରମୁଖ ଯୋଗଦେଇ ଅଙ୍ଗନୱାଡ଼ି କେନ୍ଦ୍ରରେ କେମିତି ଶିଶୁ, କିଶୋରୀ ଓ ଗର୍ଭବତୀ ମାନଙ୍କୁ ଠିକରେ ସ୍ଵାସ୍ଥ୍ୟ ସମସ୍ୟାକୁ ସୂଚାରୁରୂପେ କରାଯିବ ସେ ବିଷୟରେ ମତବ୍ୟକ୍ତ କରିଥିଲେ। ଶରତ ସାହୁ, ବିକ୍ରମ ସାହୁ, ମାନଧାତା ସାହୁ, ମହେନ୍ଦ୍ର ସାହୁ, ଗଜପତି ସାହୁ, ଡମ୍ବରୁଧର ସାହୁ, ବାବୁଲାଲ ସାହୁ, ରୀନା ସାହୁ, ବିଦ୍ୟାଧର ସୁନା ଓ ଶିଶୁ ମାନଙ୍କ ଅଭିଭାବକମାନେ ଉପସ୍ଥିତ ଥିଲେ।
