ଜୟ ଶ୍ରୀରାମ ନାରାରେ ପ୍ରକମ୍ପିତ ହେଲା ଅଞ୍ଚଳ
ଓଡ଼ିଆ ବାର୍ତ୍ତା/ କଳାହାଣ୍ଡି (ଲିଙ୍ଗରାଜ ମିଶ୍ର): ଅଯୋଧ୍ୟାରେ ଶ୍ରୀରାମ ଲାଲାଙ୍କ ପ୍ରାଣ ପ୍ରତିଷ୍ଠାକୁ ନେଇ ସାରା ଦେଶରେ ରାମ ମୟ ପରିବେଶ ସୃଷ୍ଟି ହୋଇଥିବା ବେଳେ ନର୍ଲା ମଧ୍ୟ ଏଥିରୁ ବାଦ ପଡିନି । ଜାନୁୟାରୀ ୨୨ ଶ୍ରୀରାମ ଲାଲାଙ୍କ ପ୍ରାଣ ପ୍ରତିଷ୍ଠା ନେଇ ଦିନ ଧାର୍ଯ୍ୟ ହେବା ପରଠୁଁ ନର୍ଲାରେ ମଧ୍ୟ ଆରମ୍ଭ ହୋଇଯାଇଥିଲା ଜୟ ଶ୍ରୀରାମର ନାରା । ଅଞ୍ଚଳବସୀ ଚାତକ ପରି ଚାହିଁ ରହିଥିଲେ ଏହି ଦିନକୁ । ନର୍ଲାରେ ୨୧ ଜାନୁୟାରୀ ଦିନ ଠାରୁ ଆରମ୍ଭ ହୋଇଯାଇଥିଲା ଶ୍ରୀରାମ ପୁଜନ, ଗାୟତ୍ରୀ ଯଜ୍ଞ, ରାମ ଲାଲାଙ୍କ ଭଜନ ପ୍ରଭୃତି କାର୍ଯ୍ୟକ୍ରମ ସ୍ଥାନେ ସ୍ଥାନେ ନ ଆୟୋଜିତ ହୋଇଥିଲା । ଏହି କ୍ରମରେ ନର୍ଲାରୋଡ ଦୁର୍ଗାମାତା ସେବା ସମିତି ପକ୍ଷରୁ ସଭାପତି ବିମଲ କେଡିଆ ଓ ହମେଶ ଜୈନଙ୍କ ପ୍ରତ୍ୟକ୍ଷ ତତ୍ୱାବଧାନରେ ନବ ନିର୍ମିତ ଦୁର୍ଗା ମନ୍ଦିର ପରିସରରେ ୨୧ ଜାନୁୟାରୀ ସାରା ରାତି ଚାଲିଥିଲା ଶ୍ରୀରାମ ଲାଲା ଓ ବୀର ବଜରଙ୍ଗବଲିଙ୍କ ଭଜନ ଜଣାଣ ଓ ପ୍ରସାଦ ସେବନ । ସେହିଭଳି ୨୨ ତାରିଖ ମଧ୍ୟ ବିଶାଳ ଶୋଭାଯାତ୍ରା ଓ ନଗର ପରିକ୍ରମା । ନର୍ଲାର ରାମ କି ଟୋଲି ତରଫରୁ ପୁରବ (ମଣ୍ଟୁ) ଅଗ୍ରୱାଲ, ଗୋଲୁ ଖେତାନ, ପ୍ରସାଦ ଗାବଲି, ରାଜା ଅଗ୍ରୱାଲ, ଶୁଭମ ଅଗ୍ରୱାଲ, ଅନୁରାଗ ଖେତାନ, ବିଜୟ ଅଗ୍ରୱାଲ ପ୍ରମୁଖଙ୍କ ନେତୃତ୍ୱରେ ନେତୃତ୍ୱରେ ହଜାର ହଜାର ସଂଖ୍ୟାରେ ମହିଳା ଓ ପୁରୁଷ ଓ ଯୁବ ଗୋଷ୍ଠି ବ୍ୟାନର ଓ ପତାକା ଧରି ଏକ ଭବ୍ୟ ଶୋଭାଯାତ୍ରାରେ ନର୍ଲା, ନର୍ଲାରୋଡ ପରିକ୍ରମା କରିବା ସହିତ ୩୦୦୦ ଲଡୁ ଡାକ୍ତରଖାନା, ବ୍ଲକ ଓ ବସଷ୍ଟାଣ୍ଡ ରେ ବଣ୍ଟନ କରିଥିଲେ । ହଜାର ହଜାର ଭକ୍ତ ସାମିଲ ହୋଇ ଶ୍ରୀରାମ ଭକ୍ତ ମଧ୍ୟ କରିଥିଲେ ବିଶାଳ ଶୋଭାଯାତ୍ରା । ଗୋହୀରାପଦର ଗଜଲକ୍ଷ୍ମୀ ପୂଜା କମିଟି ତରଫରୁ ସଭାପତି ଖୁଲୁରାମ ସାହୁଙ୍କ ନେତୃତ୍ୱରେ ଛତିକୁଡାରୁ ନର୍ଲା ପର୍ଯ୍ୟନ୍ତ ଅନୁଷ୍ଠିତ ହୋଇଥିଲା ବିଶାଳ ବାଇକ ଶୋଭାଯାତ୍ରା । ଘଣ୍ଟମାଳରେ ସରପଞ୍ଚ ଦେବେନ୍ଦ୍ର ସାଙ୍କ ନେତୃତ୍ୱରେ ଅନୁଷ୍ଠିତ ହୋଇଥିଲା ବିଶାଳ ଶ୍ରୀରାମ ପୁଜନ ଉତ୍ସବ । ସେହିଭଳି ବାଗପୁର ସରପଞ୍ଚ ଗୋପାଳ ହାତୀଙ୍କ ପ୍ରତ୍ୟକ୍ଷ ତତ୍ୱାବଧାନରେ ଓ ଶ୍ରରାମ ମନ୍ଦିର ପରିଚାଳନା ସମିତିର ସଭାପତି ଚୁଡାମଣି ମାଝୀଙ୍କ ନେତୃତ୍ୱରେ ବାଗପୁର ଶ୍ରୀରାମ ମନ୍ଦିରରେ ଚାଲିଥିଲା ଶ୍ରୀରାମ ପୂଜନ ଉତ୍ସବ । ହଜାର ହଜାର ସଂଖ୍ୟାରେ ସାମିଲି ହୋଇଥିଲେ ଗ୍ରାମର ଆବାଳ ବୃଦ୍ଧ ବନୀତା । ସେହିଭଳି ହିନ୍ଦୁ ସଂଗଠନ ବାନପୁର ତରଫରୁ ମଧ୍ୟ ବାଲିପଡା ରୁ ଏକ ବାଇକ ଶୋଭା୍ାତ୍ରା ଦଳ ବାହାରି ଭାନପୁର ପରିକ୍ରମା କରି ମ.ରାମପୁର ଶ୍ରୀରାମ ମନ୍ଦିରରୁ ମଶାଲ ନେଇଆସିଥିଲେ । ନର୍ଲାର ପ୍ରମୁଖ ବ୍ୟବସାୟିକ ପେଣ୍ଠସ୍ଥଳି ରୁପ୍ରାରୋଡରେ ମଧ୍ୟ ଭବ୍ୟ ଭାବରେ ଅନୁଷ୍ଠିତ ହୋଇଥିଲା ଶୋଭାଯାତ୍ରା । ବାଣ ଫୁଟାଇ, ଅବିର ବୋଳି ହୋଇ ନାଚଗୀତ କରି ଜୟ ଶ୍ରୀରାମ ଧ୍ୱନି ଦେଇ ଅନୁଷ୍ଠିତ ହୋଇଥିଲା ନଗର ପରିକ୍ରମା । ସେହିଭଳି କଳାହାଣ୍ଡି ସାଂସଦଙ୍କ ନର୍ଲା ପ୍ରତିନିଧି ପ୍ରଦୀପ କୁମାର ନାଏକ ଓ ଚକ୍ରଧର ସାଙ୍କ ନେତୃତ୍ୱରେ ସର୍ଗିଗୁଡାରେ ମଧ୍ୟ ଶ୍ରୀରାମ ଲାଲାଙ୍କ ନଗର ପରିକ୍ରମା ଓ ଗାୟତ୍ରୀ ଯଜ୍ଞ ଅନୁଷ୍ଠିତ ହୋଇଥିଲା । ସେହିଭଳି ରୁପ୍ରା, ଖମପଡା, ସେରଗଡ, ତୁଳାପଡା, ବାଲସିଙ୍ଗା ପ୍ରଭୃତି ସ୍ଥାନରେ ଭବ୍ୟ ଭାବରେ ପାଳିତ ହୋଇଯାଇଛି ଶ୍ରୀରାମ ଲାଲାଙ୍କ ପ୍ରାଣ ପ୍ରତିଷ୍ଠା ଉତ୍ସବ କାର୍ଯ୍ୟକ୍ରମ। ଶ୍ରୀରାମ ମୟ ହୋଇପଡିଚି ନର୍ଲା ଅଞ୍ଚଳ।
