ଓଡ଼ିଆ ବାର୍ତ୍ତା/ କୋକସରା (ହିରଣ୍ୟ ବେହେରା): କୋକସରା ବ୍ଳକ ଫୁପଗାଁଠାରେ ରବିବାର ପାହାଡେଶ୍ବର ମହାଦେବଙ୍କ ମନ୍ଦିରରେ ରତ୍ନମୁଦ ଉତ୍ସବ ହୋଇଛି। ମନ୍ଦିର ପରିସରରେ ରତ୍ନମୁଦ ଉତ୍ସବ ଅବସରରେ ହୋମ ଯଜ୍ଞ ଅନୁଷ୍ଠିତ ହୋଇଥିଲା। ଏଥିରେ ରାଜୀବ କୁମାର ଅଗ୍ରୱାଲ ଓ ତାଙ୍କ ଧର୍ମପତ୍ନୀ ରୀତା ଅଗ୍ରୱାଲ କର୍ତ୍ତା ଭାବେ ରହି ପୂଜାକାର୍ଯ୍ୟ ସମ୍ପାଦନ ପୂର୍ବକ ମନ୍ଦିରର ରତ୍ନମୁଦ ପାଇଁ ସୁନା, ରୂପା ସହ ବିଭିନ୍ନ ଧାତୁ ଓ ଧାନ ମନ୍ଦିରରେ ଭର୍ତ୍ତି କରିଥିଲେ। ଫୁପଗାଁ ସମେତ ଆଖପାଖ ଅଞ୍ଚଳର ଶହ ଶହ ଶ୍ରଦ୍ଧାଳୁ, ଭକ୍ତଙ୍କ ଦ୍ୱାରା ରତ୍ନମୁଦ ପାଇଁ ଧାନ ଓ ଧାତୁ ତଥା ମୁଦ୍ରା ପ୍ରଦାନ କରାଯାଇଥିଲା। ଉପସ୍ଥିତ ସମସ୍ତ ଭକ୍ତଙ୍କ ନିମନ୍ତେ ପ୍ରସାଦ ବ୍ୟବସ୍ଥା କରାଯାଇଥିଲା। ରତ୍ନମୁଦ ଉତ୍ସବରେ ଲକ୍ଷ୍ମଣ ପଟେଲ, ଅରୁଣ ଗୋୟଲ, ସଞ୍ଜୟ ସିଙ୍ଗଲ, ସନ୍ତୋଷ ଦାସ ପ୍ରମୁଖ ସାମିଲ ହୋଇଥିଲେ। ମିସ୍ତ୍ରୀ ଧନଞ୍ଜୟ ସାହୁ ଓ ଭିମ ମିସ୍ତ୍ରୀ ମନ୍ଦିର ନିର୍ମାଣ କାରୁକାର୍ଯ୍ୟ କରିଥିବା ବେଳେ ରତ୍ନମୁଦ ଉତ୍ସବକୁ କମିଟିର ଜୟରାମ ପୁଝାରୀ, କାଶୀନାଥ ପୁଝାରୀ, ଭୁବନେଶ୍ୱର ପଟେଲ, ପ୍ରଦୀପ ପଟେଲ, ପ୍ରଭୂଲାଲ ପଟେଲ, ନିଲାମ୍ବର ବାରିକ, ଜଳଧର ପଟେଲ, ବଲରାମ ଶବର, ଖଗେଶ୍ବର ପୁଝାରୀ, ଶରତ ପୁଝାରୀ, ଲକ୍ଷ୍ମଣ ପଟେଲ, ବିଷ୍ଣୁ ନାଏକ ସମେତ ଗ୍ରାମବାସୀ ମାନେ ସହଯୋଗ କରିଥିଲେ।
