ଓଡ଼ିଆ ବାର୍ତ୍ତା/ କଳାହାଣ୍ଡି (ଗଜିନ୍ଦ୍ର ସାହୁ): କଳାହାଣ୍ଡି ଜିଲ୍ଲା କେସିଙ୍ଗା ଏନ୍ ଏ ସି ଇଓ ସୁଶ୍ରୀ କିରଣ ବେହେରାଙ୍କ ଙ୍କ ମନମୁଖୀ ଶାସନର ପ୍ରତିବାଦ ନେଇ ତାଙ୍କୁ ବଦଳି କରିବା ପାଇଁ ଚାଲିଥିବା ଆନ୍ଦୋଳନ ବୁଧବାର ସମାପ୍ତ ହୋଇଛି। କେସିଙ୍ଗା ବିକାଶ ମଞ୍ଚର ଆହ୍ଵାନକ୍ରମେ ଗତ ସୋମବାର ଓ ମଙ୍ଗଳବାର ଦୁଇ ଧରି ଏନ୍ଏସି କାର୍ଯ୍ୟାଳୟ ସମ୍ମୁଖରେ ଗଣଧାରଣା ହୋଇଥିଲା ବେଳେ ବୁଧବାର ଦିନ କେସିଙ୍ଗା ସହର ବନ୍ଦ ଡାକରା ଦିଆଯାଇଥିଲା। ଯାହାକି କେସିଙ୍ଗା ସହରରେ ବନ୍ଦ ଡାକରା ପ୍ରଭାବ ପଡ଼ିଥିବା ଦେଖିବାକୁ ମିଳିଥିଲା। ବନ୍ଦ ପ୍ରଭାବରେ ସହରରେ ବୁଧବାର ସକାଳୁ ୭ ଟା ଗାଡ଼ି ଚଳାଚଳ ବନ୍ଦ ରହିବା ସହିତ ସମସ୍ତ ଦୋକାନ ବଜାର ସାଙ୍ଗକୁ ବ୍ୟବସାୟିକ ପ୍ରତିଷ୍ଠାନ ଓ ସରକାରୀ କାର୍ଯ୍ୟାଳୟସବୁ ବନ୍ଦ ରହିଥିଲା। ଗତ ସୋମବାର ଦିନ ଠାରୁ ଏନ୍ ଏ ସି କାର୍ଯ୍ୟାଳୟ ସମ୍ମୁଖରେ ନିର୍ବାହୀ ଅଧିକାରୀ ସୁଶ୍ରୀ କିରଣ ବେହେରାଙ୍କ ଙ୍କ ଅନ୍ୟତ୍ର ବଦଳି ଦାବିରେ କେସିଙ୍ଗା ବିକାଶ ମଞ୍ଚର ଆହ୍ଵାନକ୍ରମେ ସାମ୍ବାଦିକ ସମୂହ, ଉଠା ଦୋକାନି ସଂଘ,କେସିଙ୍ଗା ବଣିକ ସଂଘ,କେସିଙ୍ଗା ଚେମ୍ୱର ଏଣ୍ଡ କମର୍ସ ସଂଘ ସର୍ବୋପରି କେସିଙ୍ଗା ର ସମସ୍ତ ୧୨ ଜଣ କାଉନସିଲର,ସମସ୍ତ ରାଜନୈତିକ ଦଳର କର୍ମକର୍ତ୍ତା ଓ କେସିଙ୍ଗା ଜନସାଧାରଣ ଆନ୍ଦୋଳନରେ ସାମିଲ୍ ହୋଇଥିଲେ। ନିର୍ବାହୀ ଅଧିକାରୀ ସୁଶ୍ରୀ କିରଣ ବେହେରା ଙ୍କ ମନମୁଖୀ ଶାସନ,ଜନସାଧାରଣ ଙ୍କ ସମସ୍ୟା ନ ବୁଝିବା ଓ ଫୋନ କରି କିଛି ଅଭିଯୋଗ କଲେ ନମ୍ୱର୍ ବ୍ଲାକ ଲିଷ୍ଟ କରିବା, ରାଜ୍ୟ ସରକାରଙ୍କ କୌଣସି ଜନହିତକର ଲୋକାଭିମୁଖୀ କାର୍ଯ୍ୟକ୍ରମରେ ଗଣମାଧ୍ୟମ କୁ ଅଣଦେଖା କରିବା ଭଳି ଅନେକ ଗୁଡ଼ିଏ ନିର୍ବାହୀ ଅଧିକାରୀ ଙ୍କ ନାମରେ ଅଭିଯୋଗ ହେଉଥିଲା । ନିର୍ବାହୀ ଅଧିକାରୀଙ୍କ ଆଚରଣ ଓ ବ୍ୟବହାର କୁ ନେଇ କେସିଙ୍ଗାର ଜନସାଧାରଣ, ବୁଦ୍ଧିଜୀବୀ , ଗଣମାଧ୍ୟମ ପ୍ରତିନିଧି, ଆଇନଜୀବି ପ୍ରମୁଖ ସମସ୍ତ ଙ୍କ ମନରେ ଅସନ୍ତୋଷ ପ୍ରକାଶ ପାଇଆସୁଥିଲା । ଏନେଇ ଅନେକ ଥର ଚିଠି ମାଧ୍ୟମରେ କିମ୍ବା ଅଭିଯୋଗ ଶୁଣାଣିରେ କଳାହାଣ୍ଡି ଜିଲ୍ଲାପାଳଙ୍କ ଦୃଷ୍ଟି ଆକର୍ଷଣ କରାଯାଇଥିଲେ ମଧ୍ୟ ସୁଫଳ ମିଳୁନଥିଲା । ଶେଷରେ କେସିଙ୍ଗା ବିକାଶ ମଞ୍ଚ ପକ୍ଷରୁ ଗଣଧାରଣା ଓ କେସିଙ୍ଗା ସହର ବନ୍ଦ ଡାକରା ଦିଆଯାଇଥିଲା। ବୁଧବାର ଦିନ କେସିଙ୍ଗା ସହର ବନ୍ଦ ହେବା ଫଳରେ କଳାହାଣ୍ଡି ଜିଲ୍ଲାପାଳ ଙ୍କ ନିର୍ଦ୍ଦେଶ କ୍ରମେ ଦିନ ୨.୩୦ ମିନିଟ ରେ ପିଡି ଡୁଡ଼ା ମୁନିଧର ହୁଆଙ୍ଗ କେସିଙ୍ଗା ଏନ୍ ଏ ସି କୁ ଆସି ବିକାଶ ମଞ୍ଚ ଓ ଅନ୍ୟାନ୍ୟ ସଂଘ ର ମୁଖ୍ୟ ଙ୍କ ସହିତ ଆଲୋଚନା କରି ଜିଲ୍ଲାପାଳ ଙ୍କୁ ଅବଗତ କରାଇଥିଲେ। ଜିଲ୍ଲାପାଳ ଅଭିଯୋଗ ଶୁଣିଲା ପରେ ସଙ୍ଗେ ସଙ୍ଗେ କାର୍ଯ୍ୟନିର୍ବାହୀ ଅଧିକାରୀ ସୁଶ୍ରୀ କିରଣ ବେହେରା ଙ୍କୁ କେସିଙ୍ଗା ଏନ୍ ଏ ସି ରୁ କାଢି ନେଇ ରାଜ୍ୟ ନଗର ଉନ୍ନୟନ ବିଭାଗକୁ ବଦଳି କରିଥିବା ଜଣାପଡ଼ିଛି। ନିର୍ବାହୀ ଅଧିକାରୀଙ୍କ ବଦଳି ହେବା ପରେ ଆନ୍ଦୋଳନ ପ୍ରତ୍ୟାହୃତ କରାଯାଇଥିଲା । ନିର୍ବାହୀ ଅଧିକାରୀ ସୁଶ୍ରୀ କିରଣ ବେହେରାଙ୍କ ବଦଳି କୁ ନେଇ ବିକାଶ ମଞ୍ଚ ସହିତ ସମସ୍ତ ସଂଘ ର କର୍ମକର୍ତ୍ତା ମାନେ ବାଣ ଫୁଟାଇବା ସହିତ ମିଠା ବାଣ୍ଟି ନିଜର ଖୁସୀ ମନାଇବା ସହିତ ଭାରତ ମାତା କି ଜୟ ଧ୍ବନିରେ ସହର କମ୍ପି ଉଠି ଥିଲା।
