ଓଡ଼ିଆ ବାର୍ତ୍ତା/ ପୁରୁଷୋତ୍ତମପୁର (ପ୍ରସନ୍ନ କୁମାର ଦାଶ): ବ୍ରହ୍ମପୁର ବିଶ୍ବବିଦ୍ୟାଳୟ ଅଧୀନରେ ଥିବା ସ୍ନାତକ ମହାବିଦ୍ୟାଳୟ ଗୁଡିକର ୨୦୨୪ର ଶେଷବର୍ଷ ପରୀକ୍ଷାର୍ଥି ମାନଙ୍କର ପରୀକ୍ଷାଫଳ ପ୍ରକାଶ ପାଇବାପରେ ପୁରୁଷୋତ୍ତମପୁର ସ୍ଥିତ ତାରାତାରିଣୀ ମହାବିଦ୍ୟାଳୟର ଅର୍ଥନୀତି ବିଭାଗ ଅଭୁତପୂର୍ବକ ସଫଳତା ହାସଲ କରିଥିବା ଜଣାପଡିଛି। ଅର୍ଥନୀତି ସମ୍ମାନ ବିଭାଗରେ ବିଶ୍ବବିଦ୍ୟାଳୟ ସ୍ତରରେ କିସ୍ମିତା କୁମାରୀ ନାହାକ ପଞ୍ଚମ ସ୍ଥାନ, ଦୀପକ କୁମାର ବେହେରା ସପ୍ତମ ସ୍ଥାନ ଓ ପିନୁ ପରିଡା ଅଷ୍ଟମ ସ୍ଥାନରେ ରହି ତାରାତାରିଣୀ ମହାବିଦ୍ୟାଳୟ ତଥା ଅଞ୍ଚଳପାଇଁ ଗୌରବ ଆଣିଛନ୍ତି। ଛାତ୍ର ଛାତ୍ରୀଙ୍କ ଏପରି ସଫଳତାରେ ମହାବିଦ୍ୟାଲୟର ଅଧ୍ୟକ୍ଷ ଡ. ସିମାଞ୍ଚଳ ପଟ୍ଟନାୟକ ଏବଂ ସମସ୍ତ ଅଧ୍ୟାପକ ଓ ଅଧ୍ୟାପିକା ସେମାନଙ୍କୁ ଶୁଭେଚ୍ଛା ଜଣାଇଛନ୍ତି।
