ଓଡ଼ିଆ ବାର୍ତ୍ତା/ କୋକସରା (ହିରଣ୍ୟ ବେହେରା): କୋକସରା ବ୍ଲକ ଲଡୁଗାଁ ପଞ୍ଚାୟତ ଆଇଁଲି ଗ୍ରାମରେ ବୁଲା କୁକୁର କାମୁଡ଼ାରେ ଜଣେ ଶିଶୁ ଗୁରୁତର ଆହତ ହୋଇଥିବା ଦେଖିବାକୁ ମିଳିଛି। ସୂଚନା ଅନୁସାରେ, ଆଇଁଲି ଗ୍ରାମର ଟୁକୁ ବାଣୁଆଙ୍କ ପୁଅ ପ୍ରହହ୍ଲାଦ ବାଣୁଆ ବୁଲା କୁକୁରଙ୍କ ହାବୁଡ଼ରେ ପଡିଯିବାରୁ କାମୁଡି ପକାଇ ଥିଲା। ଶିଶୁଟି ଚିତ୍କାର କରିବାରୁ ପରିବାର ଲୋକେ ଆସି କୁକୁରକୁ ଘଉଡ଼ାଇଥିଲେ। ପ୍ରଥମେ ଲଡୁଗାଁ ଡାକ୍ତରଖାନା ଓ ପରେ କୋକସରା ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରକୁ ନେଇ ପ୍ରାଥମିକ ଚିକିତ୍ସା ପରେ ଡାକ୍ତର ପ୍ରହଲ୍ଲାଦଙ୍କୁ ଜିଲ୍ଲା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତରିତ କରି ଥିବା ଜଣାପଡିଛି।ତାର ପୂର୍ବ ଦିନ ମଧ୍ଯ ୨ ଜଣଙ୍କୁ ବୁଲା କୁକୁର କାମୁଡି ଦେଇଥିବା ଜଣା ପଡ଼ିଛି।
