ଓଡ଼ିଆ ବାର୍ତ୍ତା/ କଳାହାଣ୍ଡି (ନବୀନ କିଶୋର ସାହୁ): କଳାହାଣ୍ଡି ଲୋକସଭା ସାଂସଦ ମାଳବିକା କେଶରୀ ଦେଓଙ୍କୁ କର୍ଲାମୁଣ୍ଡା ଓ ଯୋରାଡବରା ମଣ୍ଡଳ ବିଜେପି ପକ୍ଷରୁ ଭବ୍ୟ ସମ୍ବଦ୍ଧନା ଜ୍ଞାପନ କରାଯାଇଛି। କର୍ଲାମୁଣ୍ଡା ମଣ୍ଡଳ ସଭାପତି ସଂଜୟ ଜୈନ ଓ ଯୋରାଡବରା ମଣ୍ଡଳ ସଭାପତି ଦଶରଥ ସାହୁଙ୍କ ଅଧ୍ଯକ୍ଷତାରେ କର୍ଲାମୁଣ୍ଡା ଦୁର୍ଗାପୂଜା ମଣ୍ଡପରେ ଅନୁଷ୍ଠିତ ଏହି ସମ୍ବର୍ଦ୍ଧନା ସଭାରେ ନବ ନିର୍ବାଚିତ ସାଂସଦ ଶ୍ରୀମତୀ ଦେଓଙ୍କ ସମେତ ପୂର୍ବତନ ସାଂସଦ ଅର୍କ କେଶରୀ ଦେଓ, ବରିଷ୍ଠ ବିଜେପି ନେତା ଗୋବିନ୍ଦ ସାହୁ, ଦୟାନିଧି ସାହୁ, ଗଣେଶ କୁମାର, ପୂର୍ବତନ ଜିଲ୍ଲା ପରିଷଦ ସଭ୍ୟ ପୁଷ୍ପକାନ୍ତୀ କୁମାର, ପ୍ରଭାତୀ ଭୋଇ, ଯୁବ ମୋର୍ଚ୍ଚା ସଭାପତି ନବୀନ କିଶୋର ସାହୁ, କଶୃପଡା ମଣ୍ଡଳ ସଭାପତି ହେମ ସାଗର ପୁଝାରୀ, ହିମାଂଶୁ ରଣା, ଶୁଭ୍ରାଂଶୁ ସାହୁ, ବିଘ୍ନରାଜ ସାହୁ, ଡୋଲାମଣୀ ଭୋଇ, ପୂର୍ବତନ ସଭାପତି ଚିତ୍ରସେନ ସାହୁ, ବଳଦେବ ସାହୁ ପ୍ରମୁଖ ଯୋଗଦେଇ ସମ୍ବର୍ଦ୍ଧନା ଜଣାଇଥିଲେ। ମାନ୍ୟବର ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓ ବିଜେପି ନେତୃବୃନ୍ଦ କଳାହାଣ୍ଡିର ଜଣେ ମହିଳାଙ୍କୁ ଲୋକସଭା ଟିକେଟ ପ୍ରଦାନ କରି ବିଜୟୀ କରାଇଥିବାରୁ ତାଙ୍କୁ ଏହି ଅବସରରେ ଧନ୍ଯବାଦ ଅର୍ପଣ କରାଯାଇଥିଲା। ଏହାପରେ ଭାରତୀୟ ଜନତା ପାର୍ଟିର ସଦସ୍ୟ ବୃନ୍ଦ, ନିର୍ବାଚିତ ଲୋକପ୍ରତିନିଧିମାନେ ନବ ନିର୍ବାଚିତ ସାଂସଦଙ୍କୁ ପୁଷ୍ପଗୁଚ୍ଛ, ଉପଢୌକନ ଦେଇ ସମ୍ବନ୍ଧିତ କରିଥିଲେ। କର୍ଲାମୁଣ୍ଡାର ବିକାଶ ପ୍ରତି ଗୁରୁତ୍ବ ଦେବାପାଇଁ ସାଂସଦ ଶ୍ରୀମତୀ ଦେଓଙ୍କୁ ଅନୁରୋଧ କରିଥିଲେ ଅଞ୍ଚଳବାସୀ।
