ଜୁନାଗଡ,୩/୭ : ଦିନକୁ ଦିନ ବର୍ଦ୍ଧିତ ଜାନ ବାହାନ ସଂଖ୍ୟା ଯୋଗୁଁ ଜୁନାଗଡ ସହରର ଟ୍ରାଫିକ ସମସ୍ୟା ଅସମ୍ଭାଳ ହୋଇପଡୁଛି । କଳାହାଣ୍ଡି ଜିଲ୍ଲାର ଏକ ଗୁରୁତ୍ବପୂର୍ଣ୍ଣ ବାଣିଜ୍ୟିକ କେନ୍ଦ୍ର ହୋଇଥିବାରୁ ପ୍ରତ୍ୟହ୍ୟ ଏହି ସହରକୁ ରାଜ୍ୟ ତଥା ପଡୋଷୀ ଛତିଶଗଡ ରାଜ୍ୟରୁ ଅନେକ ଭାରି ଯାନ ଆସିଥାଏ । ଏହାସହ ଶହ ଶହ ସଂଖ୍ୟାରେ ଘରୋଇ ଯାନ ଓ ବାଇକ ମଧ୍ୟ ଚଳାଚଳ କରିଥାଏ । ରବିବାର ଦିନ ଏହି ସହର ଅତିକ୍ରମ କରିବା ବହୁତ କଷ୍ଟ ହୋଇଥାଏ କାରଣ ଏହି ଦିନ ଜୁନାଗଡ ସହରର ମୂଖ୍ୟ ରାସ୍ତା ଉପରେ ବଜାର ବସିଥାଏ । ରାସ୍ତାର ଦୁଇ ପାର୍ଶ୍ବରେ ବେପାରିମାନେ ପସରା ଖୋଳିଥିବାବେଳେ ପଥଚାରୀମାନେ ଅନେକ ସମସ୍ୟାର ସମ୍ମୁଖିନ ହୋଇଥାନ୍ତି । ଅନେକ ସମୟରେ ଏଠାରେ ଛୋଟବଡ ଦୂର୍ଘଟଣା ଘଟି ଆସୁଛି । ସହରର ମୂଖ୍ୟ ସ୍ଥାନ ମାନଙ୍କରେ ଟ୍ରାଫିକ ବ୍ୟବସ୍ଥା ହୋଇଥିଲେ ମଧ୍ୟ ଏହା ସନ୍ତୋଷ ଜନକ ନୂହଁ ବୋଲି ଜନତା ଅଭିଯୋଗ ବାଢନ୍ତି । ଜୁନାଗଡ ସହରର ଅବସ୍ଥିତି, ଜନସଂଖ୍ୟା, ଟ୍ରାଫିକ ସମସ୍ୟା, ଆଶାତିତ ଜାନବାହାନ ଓ ନାଗରିକଙ୍କ ସୁରକ୍ଷା ଦୃଷ୍ଟିରୁ ଏହି ସହରରେ ବାଇପାସ ରାସ୍ତା ନିର୍ମାଣ କରିବାକୁ ବୁଦ୍ଧିଜିବୀ ତଥା ଜନସାଧାରଣରେ ଦାବି ହେଉଛି ।