ନୂଆପଡା,୩/୭ : ଆସନ୍ତା କାଲି (ଗୁରୁବାର) ପବିତ୍ର ରଥ ଯାତ୍ରା । ଭାଇ ଭଉଣୀ ସହ ଜନ୍ମବେଦୀକୁ ଯିବେ ମହାପ୍ରଭୁ । ଜଗତରନାଥ ଜଗନ୍ନାଥଙ୍କ ତତ୍ତ୍ବ ସହ ସୁପରିଚିତ ପ୍ରାଚୀନ ସଭ୍ୟତାର ଅନନ୍ୟ ଅଞ୍ଚଳ ନୂଆପଡାର ଅନେକ ସ୍ଥାନରେ ଶ୍ରୀଜଗନ୍ନାଥ ମନ୍ଦିର ପ୍ରତିଷ୍ଠା ହୋଇ ପୂଜା ପାଉଛନ୍ତି । ସେହି କ୍ରମରେ ନୂଆପଡା ସହରରେ ମଧ୍ୟ ଭକ୍ତିମୟ ପରିବେଶ ମଧ୍ୟରେ ଅନୁଷ୍ଠିତ ହୁଏ ରଥଯାତ୍ରା ।
ମହାପ୍ରଭୂ ମାନଙ୍କ ଘୋଷ ଯାତ୍ରା ପାଇଁ ଶ୍ରୀ ରାମ ସ୍ୱାମୀ ମନ୍ଦିର ଟ୍ରଷ୍ଟ ତରଫରୁ ନୂଆପଡା ଠାରେ ଟ୍ରଷ୍ଟ ସଭାପତି ଶ୍ରୀ ବସନ୍ତ ସିଂ ଠାକୁର (ପପ୍ପୁ ଠାକୁର ) ଏବଂ ସମ୍ପାଦକ କ୍ଷୀତୀଶ ବୋଧଙ୍କର (ସୀତୁ ବୋଧଙ୍କର ) ସୂଚନା ଦେଇଛନ୍ତି ଯେ, ମହାପ୍ରଭୁ ଶ୍ରୀ ଜଗନ୍ନାଥ, ବଡ଼ଭାଇ ବଳଦେବ ଏବଂ ଭଉଣୀ ଶୁଭଦ୍ରା ଆସନ୍ତା କାଲି ମନ୍ଦିରରୁ ଅପରାହ୍ନ ୪ ଟା ସମୟରେ ବାହାରି ରଥାରୁଢ଼ ହେବେ । ରଥ ଉପରେ ଛେରାପହରା ଓ ଅନ୍ୟାନ୍ୟ ନିତିକାନ୍ତି ସମାପନ ହେବାପରେ ଭକ୍ତମାନେ ରଥ ଟାଣିବେ ।
ଏହି ରଥ ସ୍ଥାନୀୟ ଗାୟତ୍ରୀ ମନ୍ଦିର, ଏକତା ଛକ ଓ ହନୁମାନ ମନ୍ଦିର ଛକ ଦେଇ ଇରିଗେସନ କଲୋନୀ ସ୍ଥିତ ରାଧାମାଧବ ମନ୍ଦିର (ମାଉସୀ ମନ୍ଦିର )ରେ ସେହିଦିନ ସନ୍ଧ୍ୟା ୬ ଟା ସମୟରେ ପହଁଚିବେ । ସମସ୍ତ ଭକ୍ତ ବୃନ୍ଦଙ୍କୁ ରଥାରୁଢ଼ ହୋଇ ଶ୍ରୀ ଜୀଉ ଦର୍ଶନ ଦେବେ । ଅଂଚଳ ବସିଙ୍କୁ ସୁଦର୍ଶନ ପାଇଁ ରଥକୁ ଗାୟତ୍ରୀ ମନ୍ଦିର ଛକ, ଏକତା ଛକ ଓ ହନୁମାନ ମନ୍ଦିର ଛକ ଠାରେ ୧୦ ମିନିଟ ପାଇଁ ରଖା ଯିବ । ଏହି ଅବସରରେ ସମଗ୍ର ଉଠା ଦୋକାନୀ ମାନଙ୍କୁ ପଲିଥିନ ବ୍ୟବହାର ନକରିବା ପାଇଁ ବିନମ୍ର ଅନୁରୋଧ ଏବଂ ସର୍ବ ସାଧାରଣଙ୍କୁ ଶାନ୍ତି ଶୃଙ୍ଖଳା ସହ ରଥଯାତ୍ରା ସମ୍ପାଦନ ପାଇଁ ମନ୍ଦିର ଟ୍ରଷ୍ଟ ପକ୍ଷରୁ ଅନୁରୋଧ କରାଯାଇଛି ।
ନୂଆପଡା ଜିଲ୍ଲା ପ୍ରତିନିଧି ମହେନ୍ଦ୍ର କୁମାର ବାଗ (ରାହୁଲ)ଙ୍କ ରିପୋର୍ଟ odiabarta.in
For latest news & updates, click on bell button and subscribe to notifications.
Like us on Facebook👇
