ଓଡ଼ିଆ ବାର୍ତ୍ତା/ ବଲାଙ୍ଗୀର (ପ୍ରମୋଦ ସେଲମା): ବଲାଙ୍ଗୀର ଜିଲ୍ଲା ସଇଁତଲା ଅଞ୍ଚଳରେ ଜଣେ ଯୁବକଙ୍କ ବାଇକକୁ ଲୁଟ କରିଥିବା ଅଭିଯୋଗରେ ସଇଁତଲା ଥାନା କେସ ନଂ 331/24 କ୍ରମେ ଦଫା 310/(2) ମାମଲା ରୁଜୁ କରିଥିବା ବେଳେ 6 ଜଣ ଅଭିଯୁକ୍ତଙ୍କୁ ପୋଲିସ ସଇଁତଲା କୋର୍ଟକୁ ଚାଲାଣ କରିଥିଲା l ଏଥିରେ ଜାମିନ ନାମଞ୍ଜୁର ହେବା ଦ୍ୱାରା ଟିଟିଲାଗଡ଼ ଜେଲ ହାଜତକୁ ପଠାଇ ଦେଇଛି l
ଗିରଫ ଅଭିଯୁକ୍ତମାନେ ହେଲେ ଅବିନାଶ ନାଗ (24), ପ୍ରକାଶ ମହାକୁର (19) ଉଭୟ ଦେଓଗାଁ ଥାନା ଧଣ୍ଡାମାଲ, ବିଜୟ ତାଣ୍ଡି (22) ଦେଓଗାଁ, ପିପଲପଦର, ଜକି ପ୍ରଧାନ (24) ସଇଁତଲା ଥାନା ଛୋକରବାଞ୍ଜି, ଭଗବାନ ରଣା (22)ଡେଙ୍ଗ ଓ ମନୋଜ ସାହୁ (25) ସଇଁତଲା ଗୋପବନ୍ଧୁପଡା ଅଞ୍ଚଳ ବୋଲି ଜଣାପଡିଛି l ପ୍ରକାଶ ଯେ, ଗୁରୁବାର ଦିନ ଅପରାହ୍ନ ସମୟରେ କଣ୍ଟାମାଲ ଥାନା ଘଣ୍ଟାପଡା ସ୍ଥିତ ରେକଚୁଳ ଗାଁ ନଦିଆ ବିଭାର ନାମକ ଜୈନିକ ଯୁବକ ରେମେଣ୍ଡା ଗାଁରେ ବିବାହ କରିଛି l ନିଜ ବାଇକ ଯୋଗେ ସଇଁତଲା ଦେଇ ଯାଉଥିବା ସମୟରେ ବିବିନା ପେଟ୍ରୋଲ ପମ୍ପ ନିକଟରେ ଦୁର୍ବୁତ୍ତମାନେ ଅଟକାଇ ବାଇକ ଲୁଟ କରି ନେଇଥିଲେ ବୋଲି ସଇଁତଲା ଥାନାରେ ଲିଖିତ ଅଭିଯୋଗ କରିଛନ୍ତି l ଉକ୍ତ ଘଟଣାକୁ ଭିର୍ତ୍ତି କରି ସଇଁତଲା ଆଇଆଇସି ସୁଶାନ୍ତ କୁମାର ପ୍ରଧାନ ଙ୍କ ତତ୍ତ୍ୱବଧାନରେ ସେକେଣ୍ଡ ଅଫିସର ଲକ୍ଷିନ୍ଦ୍ର ଚାଲାଣ ଘଟଣାର ଅଧିକ ତଦନ୍ତ ଜାରୀ ରଖିଛନ୍ତି l
