ଆଉ କିଛି ଦିନ ଆଡ଼ପ ମଣ୍ଡପେ ପାରନ୍ତ କି ପ୍ରଭୁ ରହି
ସୌମେନ୍ଦ୍ର କୁମାର ଦାସ
ଆଉ କିଛି ଦିନ ଆଡ଼ପ ମଣ୍ଡପେ ପାରନ୍ତ କି ପ୍ରଭୁ ରହି ,
ଦର୍ଶନ କରିବୁ ଶ୍ରୀ ମୁଖ ତୁମର ନିର୍ମିମେଷ ନେତ୍ରେ ଚାହିଁ
ଯେତେ ଦେଖିଲେ ବି ତୁମକୁ ପ୍ରଭୁ ହେ ମନ ଜମା ବୁଝୁନାହିଁ
ଆଉ କିଛି ଦିନ ଆଡ଼ପ ମଣ୍ଡପେ ପାରନ୍ତ କି ପ୍ରଭୁ ରହି।
ଅନୁକୁଳ କରି ରଥ ଗଢିଥିଲେ ଅକ୍ଷୟ ତୃତୀୟା ଦିନୁଁ
ଦୁଇ ମାସ ଧରି ପରିଶ୍ରମ ସବୁ ପାସୋରି ଦେଲ କି ମନୁଁ
ନବ ଦିନ ପରେ ସେ ସବୁକୁ କିଆଁ ଅଲୋଡା କର ଗୋସାଇଁ
ଆଉ କିଛି ଦିନ ଆଡ଼ପ ମଣ୍ଡପେ ପାରନ୍ତ କି ପ୍ରଭୁ ରହି ।
ଆସିଥିଲ ପ୍ରଭୁ ନବ ଦିନ ପୂର୍ବେ ନନ୍ଦିଘୋଷ ରଥ ଚଢି
ଭକତେ ବାଣ୍ଟିଲ କରୁଣା ପ୍ରସାଦ ପ୍ରିତୀର ବାରି ଅଜାଡି
ସେଥିରୁ ଆମକୁ ବଞ୍ଚିତ କରି କାହିଁକି ଦିଅ ଭଣ୍ଡେଇ
ଆଉ କିଛି ଦିନ ଆଡ଼ପ ମଣ୍ଡପେ ପାରନ୍ତ କି ପ୍ରଭୁ ରହି ।
ଜାଣିଛି ଆସିବ ଆର ବରଷକୁ ତୁମ ବଚନଟି ଧ୍ରୁବ
ଜନ୍ମବେଦୀ ପରେ ତୁମ ଦରଶନ କିଏ ବା ପାସୋରି ଦେବ
ସେଥିରୁ ବଞ୍ଚିତ ହେବାକୁ ପ୍ରଭୁ ହେ ମନ ଜମା ବଳୁ ନାହିଁ
ଆଉ କିଛି ଦିନ ଆଡ଼ପ ମଣ୍ଡପେ ପାରନ୍ତ କି ପ୍ରଭୁ ରହି ।
For latest news & updates, click on bell button and subscribe to notifications.
Like us on Facebook👇
http://facebook.com/odiabarta
