ଓଡ଼ିଆ ବାର୍ତ୍ତା/ କଳାହାଣ୍ଡି (ନିଲେଶ କୁମାର ନାଗ): ଲାଞ୍ଜିଗଡ଼ ବ୍ଳକ ମୁଖ୍ୟାଳୟ ବିଶ୍ଵନାଥପୁର ଗ୍ରାମ ପଞ୍ଚାୟତ ପକ୍ଷରୁ “ସ୍ବଚ୍ଛତା ହିଁ ସେବା” କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ସରପଞ୍ଚ ସୁରଥ ମାଝୀଙ୍କ ସଭାପତିତ୍ବରେ ଅନୁଷ୍ଠିତ କାର୍ଯ୍ୟକ୍ରମରେ କାର୍ଯ୍ୟନିର୍ବାହୀ ଅଧିକାରୀ ପ୍ରମୋଦ ସାହୁ, ବିଆରସି ଅନନ୍ତ ସରାପ, ଯୋଗାଣ ସହାୟକ ତାପସ ରଞ୍ଜନ ଦଳେଇ, ଏମ୍ ବି କେ କସ୍ତୁରୀ ମହାପାତ୍ର ପ୍ରମୁଖ ଉପସ୍ଥିତ ରହି “ସ୍ବଚ୍ଛତା ହିଁ ସେବା” କାର୍ଯ୍ୟକ୍ରମର ଉଦ୍ଦେଶ୍ୟ ସମ୍ଵନ୍ଧରେ ଆଲୋଚନା କରିବା ସହ ପଞ୍ଚାୟତରେ ସ୍ବଚ୍ଛତା ରକ୍ଷା ପ୍ରତି ଦୃଷ୍ଟି ଦେବା ପାଇଁ ସଚେତନ କରିଥିଲେ। ଉକ୍ତ କାର୍ଯ୍ୟକ୍ରମରେ ଓ୍ବାର୍ଡ ସଭ୍ୟ /ସଭ୍ୟା ସିଆରପି,ଏସଏଚଜି ମହିଳା, ଅଙ୍ଗନୱାଡି କର୍ମୀ, ଗାଁସାଥି ଏବଂ ଗ୍ରାମବାସୀ ଯୋଗ ଦେଇଥିଲେ। ଏହି ଅବସରରେ ବିଶ୍ଵନାଥପୁର ଶିବ ମନ୍ଦିର ପରିସର, ତ୍ରିନାଥ ମନ୍ଦିର ପରିସର, ବିଶ୍ଵନାଥପୁର ବିଜେପୁର ଛକ ରାସ୍ତାଘାଟ ଆଦି ସଫେଇ କରାଯାଇଥିଲା। ଉକ୍ତ କାର୍ଯ୍ୟକ୍ରମରେ ସ୍ବଚ୍ଛତା ପ୍ରତି ସପଥପାଠ କରାଯାଇଥିବା ବେଳେ ଅଞ୍ଚଳବାସୀ ସଚେତନତା ହେବା ସହିତ ସହଯୋଗ କରିଥିଲେ।
