ଓଡ଼ିଆ ବାର୍ତ୍ତା/ କଳାହାଣ୍ଡି (ନିଲେଶ କୁମାର ନାଗ): ଜାତୀୟ ସେବା ଯୋଜନା ଶାଖା ଜୟ ପ୍ରକାଶ ସାଂନ୍ଧ୍ୟ ଡିଗ୍ରୀ ମହାବିଦ୍ୟାଳୟ ଭବାନୀପାଟଣା ଦ୍ବାରା ସ୍ଵଚ୍ଛତା ହିଁ ସେବା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଛି । ଏହି କାର୍ଯ୍ୟକ୍ରମରେ ମହାବିଦ୍ୟାଳୟର ୧୫୦ ରୁ ଉର୍ଦ୍ଧ୍ୱ ସ୍ଵେଚ୍ଛାସେବୀ ଛାତ୍ରଛାତ୍ରୀ ଭାଗ ନେଇ “ସ୍ଵଭାବ ସ୍ଵଚ୍ଛତା ସଂସ୍କାର ସ୍ଵଚ୍ଛତା” ବାର୍ତ୍ତା ଦ୍ବାରା ଏକ ବିଶାଳ ରାଲି ଓ ସଫାଇ କାର୍ଯ୍ୟକ୍ରମ କରାଯାଇଥିଲା । ମହାବିଦ୍ୟାଳୟର ଅଧ୍ୟକ୍ଷ ଛବିଲାଲ ସାହୁ କାର୍ଯ୍ୟକ୍ରମର ଅଧ୍ୟକ୍ଷତା କରିଥିବା ବେଳେ ଭବାନୀପାଟଣା ମ୍ୟୁନିସିପାଲିଟିର କାର୍ଯ୍ୟନିର୍ବାହୀ ଅଧିକାରିଣୀ ଡ. ସତ୍ୟ ସଂପୂର୍ଣ ରାଉତ ମୁଖ୍ୟ ଅତିଥୁ, ରାଜସ୍ଵ ଅଧିକାରୀ ମେହେର ବାବୁ, ଜିଲ୍ଲା କ୍ରୀଡା ଅଧିକାରୀ ରମେଶ ଚନ୍ଦ୍ର ପାଢ଼ୀ, ନେହେରୁ ଯୁବ କେନ୍ଦ୍ରର ଜିଲ୍ଲା ଯୁବ ଅଧୁକାରୀ, ମାଁ ମାଣିକେଶ୍ଵରୀ ବିଶ୍ଵ ବିଦ୍ୟାଳୟର ଏନ୍ଏସ୍ଏସ୍ ବ୍ୟୁରୋ ସଂଯୋଜକ ଓ ଚି ରଞ୍ଜନ ଖୁଣ୍ଟିଆ ଆଦି ସମ୍ମାନୀତ ଅତିଥ୍ ଏବଂ ଇଂ. ରାଧାମୋହନ ରାଏ ଗେଷ୍ଟ ଅଫ୍ ଅନର ଭାବେ ଯୋଗଦେଇ ଯୁବ ପିଢ଼ୀଙ୍କୁ ସ୍ଵଚ୍ଛତା ବାର୍ତ୍ତା ଦେଇଥିଲେ । ଏହି କାର୍ଯ୍ୟକ୍ରମକୁ ଏନ୍ଏସ୍ଏସ୍ ଅଧିକାରୀ ପ୍ରତାପ ଚନ୍ଦ୍ର ଦାଶ ପରିଚାଳନା କରିଥିବା ବେଳେ ଅଧ୍ୟାପକ ଶୁଭେନ୍ଦୁ କୁମାର ପାଢ଼ୀ, ପରମେଶ୍ଵର ମୁଣ୍ଡ, ଶୁଶାନ୍ତ କୁମାର ଦାଶ, ନାଜନିନନ ସୁଲତାନା ଓ ଦୀନବନ୍ଧୁ ନାଗ ଆଦି ସହଯୋଗ କରିଥିଲେ ।
