ଓଡ଼ିଆ ବାର୍ତ୍ତା/ ଭୁତିଆରବାହାଲ (ପଞ୍ଚାନନ ଭୋଇ): ଦେଓଗାଁ ବ୍ଳକ ଲଣ୍ଡାପଥର ପଞ୍ଚାୟତ ଝିଙ୍କେରମାଲ ଉନ୍ନୀତ ଉଚ୍ଚ ବିଦ୍ୟାଳୟରେ ଷଷ୍ଠ କ୍ଲଷ୍ଟରସ୍ତରୀୟ ମାସିକ ବୈଠକ ହୋଇଯାଇଛି। ପ୍ରଧାନଶିକ୍ଷକ ହିମାଂଶୁ ଶେଖର ନାଗଙ୍କ ଅଧ୍ୟକ୍ଷତାରେ ଅନୁଷ୍ଠିତ ଶିବିରରେ ପ୍ରାଥମିକ ଶିକ୍ଷା ପଦ୍ଧତିକୁ ନେଇ ଉପସ୍ଥିତ ଶିକ୍ଷକଙ୍କୁ ତାଲିମ ପ୍ରଦାନ କରାଯାଇଥିଲା। ସିଆରସିସି ସତ୍ୟନାରାୟଣ ସେନାପତି ପ୍ରଶିକ୍ଷକ
ଭାବେ ଯୋଗଦେଇଥିଲେ ଏବଂ ଅତିରିକ୍ତ ଶିକ୍ଷା ଅଧିକାରୀ ଦାଶରଥି ଥନାପତି ବୈଠକରେ ଯୋଗ ଦେଇଥିଲେ ।
ବୈଠକରେ ଡଙ୍ଗରପଡ଼ା କ୍ଳଷ୍ଟରର ସମସ୍ତ ପ୍ରଧାନଶିକ୍ଷକ, ଏଫ୍ଏଲ୍ଏନ୍ ଶିକ୍ଷକ ମାନେ ଯୋଗଦେଇଥିଲେ। ପ୍ରଧାନଶିକ୍ଷକ ରାଧାମୋହନ ମିଶ୍ର, ନିକୁଞ୍ଜ ବିହାରୀ ହରପାଲ, ସୁଜ୍ଞାନ କୁମାର ସେଠ୍, ବିଧାନ ସେଠ୍, ହିମାଂଶୁ ଶେଖର ନାଗ, ପଞ୍ଚୁ ଭୋଇ, ହିରଣ୍ମୟୀ ସୁନା ପ୍ରମୁଖ ଉପସ୍ଥିତ ଥିଲେ। ଶେଷରେ ଶିକ୍ଷକ ଜଗଦା ଭୋଇ ଧନ୍ୟବାଦ ଅର୍ପଣ କରିଥିଲେ।
