ଓଡ଼ିଆ ବାର୍ତ୍ତା/ କଳାହାଣ୍ଡି (ଲିଙ୍ଗରାଜ ମିଶ୍ର): କର୍ଲାମୁଣ୍ଡା ବ୍ଲକ ଅନ୍ତର୍ଗତ ତେରେସିଂହା ଉଚ୍ଚ ମାଧ୍ୟମିକ ବିଦ୍ୟାଳୟରେ ବିଶ୍ଵ ଏଡ୍ସ ଦିବସ ପାଳିତ ହୋଇଯାଇଛି। ବିଦ୍ୟାଳୟର ଅଧ୍ୟକ୍ଷ ଜୟନ୍ତ ବାଗଙ୍କ ଅଧ୍ୟକ୍ଷତାରେ ଅନୁଷ୍ଠିତ କାର୍ଯ୍ୟକ୍ରମରେ କର୍ଲାମୁଣ୍ଡା ଡାକ୍ତରଖାନାର ଡାକ୍ତର ସୁଧାଂଶୁ ବେଡବାକ ଓ ରଂଜନ ସାହୁଙ୍କ ସମେତ ବିଦ୍ୟାଳୟ ପରିଚାଳନା କମିଟିର ଅଧକ୍ଷ ମୂରଲୀଧର ରଣା ଅତିଥି ଭାବେ ଯୋଗଦେଇଥିଲେ। ଏହି ଅବସରରେ ଛାତ୍ରଛାତ୍ରୀମାନଙ୍କ ଦ୍ଵାରା ଏକ ସଚେତନତା ରେଲି ଗ୍ରାମ ପରିକ୍ରମା କରିବା ସହ ବିଭିନ୍ନ ପ୍ରତିଯୋଗିତା ଅନୁଷ୍ଠିତ ହୋଇଥିଲା। କାର୍ଯ୍ୟକ୍ରମ ପରିଚାଳନା କରିଥିଲେ ଇଂରାଜୀ ଅଧ୍ୟାପକ ତଥା ଜୁନିଅର ରେଡକ୍ରସ ସଂଯୋଜକ ମୁକେଶ ବହିଦାର। ରାଜନୀତି ଅଧ୍ୟାପକ ଶାନ୍ତନୁ ମହାଖୁଡ଼, ଇତିହାସ ଅଧ୍ୟାପକ ଆଭାସ ଆଚାର୍ଯ୍ୟ, ବରିଷ୍ଠ କିରାଣୀ ଦେବେନ୍ଦ୍ର ରଣା, ତପୋବନ୍ତ ଗହୀର, ଡୋଳାମଣି ଗହୀର, ରାଧାମଣି ଗହୀର ପ୍ରମୁଖ ସହଯୋଗ କରିଥିଲେ।
