ଓଡ଼ିଆ ବାର୍ତ୍ତା/ ବଲାଙ୍ଗୀର (ମୁନା ଗୌଡ଼): ସିକ୍ୟୁରିଟି ଗାର୍ଡଙ୍କୁ ଦଳିଦେଲା ଟ୍ରକ୍। ଘଟଣା ସ୍ଥଳରେ ସିକ୍ୟୁରିଟି ଗାର୍ଡ ମୃତ। ପରିବାର ଲୋକେ ଓ ସ୍ଥାନୀୟ ଲୋକଙ୍କ ମଧ୍ୟରେ ଉତ୍ତେଜନା। ଗତକାଲି ବିଳମ୍ବିତ ରାତିରେ ରାଧିକା ଅଳଙ୍କାର ଦୋକାନରେ କାମ କରୁଥିବା ରାତ୍ର ଜଗୁଆଳି ଙ୍କୁ ଏକ ମାଲବାହି ଟ୍ରକ୍ ଧକ୍କା ଦେଇଛି। ଫଳରେ ଅକାଳରେ ଜଣେ ଯୁବକଙ୍କ ଜୀବନ ଯାଇଛି। ମୃତ ଯୁବକ ହେଲେ ବଲାଙ୍ଗିର ସଦର ଥାନା ଅନ୍ତର୍ଗତ ବଘଲା ଗ୍ରାମର ସିଦ୍ଧାନ୍ତ ପ୍ରଧାନ। ମିଳିଥିବା ସୂଚନା ଅନୁସାରେ ସିଦ୍ଧାନ୍ତ ସବୁଦିନ ଭଳି ଗତକାଲି ରାତିରେ ମଧ୍ୟ ରାଧିକା ଅଳଙ୍କାର ଦୋକାନ କୁ ଜଗିଥିଲେ। ଏହା ସମୟରେ ଏକ ଟ୍ରକ୍ ଦୃତ ଗତିରେ ଆସି ତାଙ୍କୁ ମାଡ଼ି ଯାଇଥିଲା । ଫଳରେ ଘଟଣା ସ୍ଥଳରେ ହିଁ ତାଙ୍କର ମୃତ୍ୟୁ ହୋଇଥିଲା। ସ୍ଥାନୀୟ ଲୋକେ ଡ୍ରାଇଭର ଙ୍କୁ ଧରି ଉତ୍ତମ ମଧ୍ୟମ ଦେବା ସହିତ ପୁଲିସ ରେ ଜିମା ଦେଇଥିବା ଜଣାପଡିଛି। ମୃତଦେହକୁ ବ୍ୟବଚ୍ଛେଦ ପାଇଁ ପଠାଯାଇଛି । ଅପରପକ୍ଷେ ଘଟଣାକୁ ନେଇ ଉତ୍ତେଜନା ପ୍ରକାଶ ପାଇଛି।
