ଓଡ଼ିଆ ବାର୍ତ୍ତା/ ବଲାଙ୍ଗିର (ମୁନା ଗୌଡ଼): ଆରମ୍ଭ ହୋଇଛି ଲୋକ ଉତ୍ସବ। ବହୁ ପ୍ରତିକ୍ଷିତ ବଲାଙ୍ଗିର ଲୋକ ଉତ୍ସବ ଆଜିଠାରୁ ଆରମ୍ଭ ହେବ । ଚାରିଦିନ ଧରି ହେବାକୁ ଥିବା ଲୋକ କଳା ସଂଗମର ଏହି ମହାପର୍ବରେ ଜିଲ୍ଲା ରାଜ୍ୟ ତଥା ଦେଶର କୋଣ ଅନୁକୋଣରୁ କଳାକାର ମାନଙ୍କ ସମାଗମ ହେବ ।
ଏନେଇ ଆଜି ସକାଳୁ ମଞ୍ଚ ପୂଜା ,ପତାକା ଉତୋଳନ କାର୍ଯ୍ୟକ୍ରମ ହେବା ପରେ ଏକ ସାଂସ୍କୃତିକ ଶୋଭାଯାତ୍ରା ବାହାରିଥିଲା । ଲୋକ ଉତ୍ସବରେ ଯୋଗଦେବାକୁ ଆସିଥିବା ବିଭିନ୍ନ ସାଂସ୍କୃତିକ ଦଳ ଶୋଭାଯାତ୍ରାରେ ସାମିଲ ହୋଇଥିଲେ । ଲୋକଗୀତ ବଦ୍ୟରେ ଦୁଲୁକି ଉଠିଥିଲା ବଲାଙ୍ଗିର ସହର । ଲୋକକଳା ଓ କଳାକାରଙ୍କୁ ମଞ୍ଚ ଯୋଗାଇ ଦେଉଥିବା ଏହି ମହାନ ପର୍ବକୁ ସମସ୍ତେ ଅପେକ୍ଷା କରିଥାନ୍ତି ।
ବଲାଙ୍ଗିର ଲୋକ ଉତ୍ସବ ବାଦ ବିବାଦ ମଧ୍ୟରେ ଛନ୍ଦି ହୋଇ ବିଗତ ବର୍ଷରେ ଆୟୋଜନ ହୋଇପାରି ନଥିଲା । କିନ୍ତୁ ଚଳିତ ବର୍ଷ ଲୋକ ଉତ୍ସବର ଆୟୋଜନ ହେଉଥିବାରୁ ଜନ ସାଧାରଣ, କଳାକାରଙ୍କ ମହଲରେ ଉତ୍ସାହ ଦେଖିବାକୁ ମିଳିଛି । ଜାତି, ଧର୍ମ, ବର୍ଣ୍ଣ ଦଳମତ ନିର୍ବିଶେଷରେ ସମସ୍ତେ ଏକ ହୋଇ ଲୋକ ଉତ୍ସବ ସାଂସ୍କୃତିକ ଶୋଭାଯାତ୍ରାରେ ସାମିଲ ହୋଇଥିବା ଦେଖିବାକୁ ମିଳିଛି ।
