ଓଡ଼ିଆ ବାର୍ତ୍ତା/ ଗଜପତି (ଗଣେଶ କୁମାର ରାଜୁ): ଜିଲ୍ଲା ପ୍ରଶାସନ, ଜିଲ୍ଲା ଦକ୍ଷତା ବିକାଶ ନିୟୋଜନ କାର୍ଯ୍ୟାଳୟ ଓ ଗ୍ରାମ ତରଙ୍ଗ ମଧ୍ୟରେ ନିଯୁକ୍ତି ଭିତ୍ତିକ ତାଲିମ୍ ପାଇଁ ଚୁକ୍ତି ସ୍ବାକ୍ଷରିତ କାର୍ଯ୍ୟକ୍ରମ ହୋଇଅଛି । ଏହି ନିଯୁକ୍ତି ଭିତ୍ତିକ ତାଲିମ ପାଇଁ ଅନୁଷ୍ଠିତ ଚୁକ୍ତି ସ୍ୱାକ୍ଷରିତ କାର୍ଯ୍ୟକ୍ରମରେ ଜିଲ୍ଲା ତଥା ରାଜ୍ୟର ୧୮୦ ଜଣ ଦଶମ/ଯୁକ୍ତ ୨ ତଥା ପ୍ଲସ-ଟୁ / ଆଇଟିଆଇ: /ଡିପ୍ଲୋମା ପାସ୍ ହୋଇଥିବା ଯୁବକ-ଯୁବତୀ ମାନଙ୍କୁ ମାଗଣା ଆବାସିକ ତାଲିମ୍ ତଥା ନିଯୁକ୍ତି ର ସୁଯୋଗ ଯୋଗାଇ ଦିଆଯିବ । ଜିଲ୍ଲା ପ୍ରଶାସନ ତରଫରୁ ଜିଲ୍ଲା ଦକ୍ଷତା ବିକାଶ ଓ ନିୟୋଜନ ଅଧିକାରୀ ଶ୍ରୀ ସୌଭାଗ୍ୟ ସ୍ମୃତି ରଞ୍ଜନ ତ୍ରିପାଠୀ ଏବଂ ଗ୍ରାମ ତରଙ୍ଗ ର ରାଜ୍ୟ ମୂଖ୍ୟ ଶ୍ରୀ ସଞ୍ଜୀବ ମିଶ୍ରଙ୍କ ମଧ୍ୟରେ ଏହି ନିଯୁକ୍ତି ଭିତ୍ତିକ ତାଲିମ ପାଇଁ ଚୁକ୍ତି ସ୍ୱାକ୍ଷରିତ ହୋଇଅଛି । ଏହା ଦ୍ଵାରା ୧୮୦ ଜଣ ଯୁବକ ଯୁବତୀ ଙ୍କୁ Electrical ଇଲେକ୍ଟ୍ରିକାଲ ଭେହିକଲ , ମେଣ୍ଟେନାନସ ଟେକନିସିଆନ ଓ ହେଣ୍ଡ ହେଲ୍ଡ଼ ଡିଭାଇସେସ ଟ୍ରେଡ ରେ ନିଯୁକ୍ତି ଭିତ୍ତିକ ସ୍ୱଳ୍ପ ମିଆଦି ତାଲିମ୍ ପ୍ରଦାନ କରାଯିବ । ତେଣୁ ଇଚ୍ଛୁକ ମାନଙ୍କୁ ଏ ସମ୍ପର୍କରେ ଅଧିକ ବିବରଣୀ ଜାଣିବା ପାଇଁ ଗଜପତି ଜିଲ୍ଲା ଦକ୍ଷତା ବିକାଶ ତଥା ଜିଲ୍ଲା ନିୟୋଜନ କାର୍ଯ୍ୟାଳୟ ସହିତ ଫୋନ୍ – ନଂ ୯୮୨୭୯୪୬୮୮୪ ରେ ଯୋଗାଯୋଗ କରିବା ପାଇଁ କୁହାଯାଇଛି ।
